Vikipediya:Tezda yoʻqotish

Baʼzi hollarda administratorlar biror Vikipediya maqolasini izohsiz yoʻqotishlari mumkin; bu tezda yoʻqotish deyiladi. Quyida shunday hollar keltirilgan.

Yoʻqotilishi kerak maqolaga {{delete}} shabloni qoʻyiladi va munozara sahifasida maqola muallifining izoh kutiladi.

[tahrir] Asosiy maqolalar

Bemaʼnilik, yaʼni tayinli maʼlumot bermaydigan, tushunarsiz belgilar ketma-ketligi (masalan: asdafbs bsnmgbasg s ADADFAF agbcxbxcb).

Tekshirish, yaʼni tahrirlashni oʻrganish maqsadidagi matnlar. Buning uchun maxsus sahifa bor.

Bezorilik.

Avval yoʻqotilgan maqolaning nusxasi. Xatolik oqibatida yoʻqotilgan maqolani tiklash maqsadida yaratilgan maqolalardan tashqari.

Maqola muallifining oʻzi uning yoʻqotilishini istasa, bu holda maqola bir kishi tomonidan yozilgan boʻlishi va yoʻqotish sababi koʻrsatilishi kerak.

Koʻchirsh maqsadida yoʻqotish.

Ensiklopedik boʻlmagan qisqa maqolalar, masalan: "Xoʻjand yaxshi shahar" (va boshqa hech nima yoʻq). Chala maqolalar bu toifaga kirmaydi.

Butkul oʻzbekcha boʻlmagan maqolalar, agar ular yaqin orada tarjima qilinmasa.

Faqatgina ishoratlardan iborat maqolalar.

Keng ommaga mashhur boʻlmagan shaxslar, tashkilotlar haqidagi maqolalar, masalan: "Eshmat Toshmatov - universtiet 1-kurs talabasi, 1990 yilda tugʻilgan" va hk. Agarda maqola muallifi unda taʼriflangan obyektni mashhur, deb iddao etsa, munozara sahifasida bu iddaoni izohlashi shart.

Koʻchirmachilik, masalan, biror bir veb-saytdan hech qanday oʻzgartirishsiz matn koʻchirib qoʻyish.

[tahrir] Yoʻnaltirishlar

Yoʻnaltirish (redirect) bir sahifadan boshqasiga avtomatik yoʻnaltiradi.

Mavjud boʻlmagan maqolaga yoʻnaltirish.

Boshqa boʻlimga yoki maqola sohasiga yoʻnaltirish, masalan, qandaydir maqoladan en:some articlega, yoki qandaydir odamdan Foydalanuvchi:qandaydir odamga.

[tahrir] Tasvirlar

Litsenziyasi nomaʼlum tasvirlar.

Vikiomborda mavjud tasvirlar.

[tahrir] Kategoriyalar

Boʻsh kategoriyalar.

Nomi imlo xatosi bilan yozilgan kategoriyalar.

[tahrir] Foydalanuvchi sahifalari

Foydalanuvchi iltimosi bilan. Faqatgina ostsahifalar uchun.

Anonim foydalanuvchilar sahifasi va ularning munozara sahifalari. Istisno: munozara sahifasida muhim predmet muhokama qilingan boʻlsa, qoldirish zarur.