Vikipediya:Maqolalarni nomlash

Bu sahifa Vikipediya qoida va yoʻllanmalarning qismidir.

Ishorat: VP:NOMLASH

Vikipediya maqolalarini nomlashda quyidagilarga eʼtibor qilish zarur:

Faqatgina birinchi soʻzni bosh harf bilan yozish kerak. Maqola nomi ikki yoki undan koʻp soʻzdan iborat boʻlsa, faqat birinchi soʻzni bosh harf bilan yozish kerak (masalan: "Sharq falsafasi", "Sharq Falsafasi" emas). Istisno: atoqli otlar (masalan: Said Ahmad).
Sifatlar otlarga yoʻnaltirilishi kerak. Maqola nomi faqat ot turkumida boʻlishi kerak. Sifat turkumidagi soʻzlar ularning ot shakliga yoʻnaltirishi zarur (masalan, liberal sahifasi liberalizm sahifasiga yoʻnaltiradi).
Geografik joy nomlarini imkon qadar oʻzbekchada yozish kerak. Agarda biror joy nomi oʻzbekcha adabiyotlarda qoʻllanilmagan boʻlsa yoki aniq bir oʻzbekcha yozilishi boʻlmasa va oʻsha joyning asl nomi lotin yozuvini ishlatadigan tilda boʻlsa, asl nomini maqolaga nom qilish kerak (masalan: Parij, lekin Ceará).
Shaxsiyatlar ismlarini imkon qadar ularning ona tilida yozish kerak. Agar biror kishining ismi ona tili lotin yozuvlarini ishlatmasa, u holda translit qilish kerak (masalan, George W. Bush, lekin Dmitriy Medvedev).