மே 2008

மே 2008, 2008 ஆம் ஆண்டின் ஐந்தாவது மாதமாகும். இம்மாதம் ஒரு வியாழக்கிழமை ஆரம்பித்து 30 நாட்களின் பின்னர் ஒரு சனிக்கிழமை முடிவடைந்தது. தமிழ் நாட்காட்டியின் படி வைகாசி மாதம் மே 14 இல் தொடங்கி ஜூன் 14 இல் முடிவடைந்தது.

[தொகு] சிறப்பு நாட்கள்

• மே 1 - மே நாள்
• மே 9 - ஆதிசங்கரர் ஜெயந்தி
• மே 19 - புத்த பூர்ணிமா
• மே 19 - வைகாசி விசாகம்
• மே 25 - இயேசுவின் திரு இருதயத் திருநாள்

[தொகு] நிகழ்வுகள்

• மே 31: ஜப்பானிய விண்ணாய்வு கூடமான கீபோவை ஏற்றிக் கொண்டு நாசாவின் டிஸ்கவரி விண்ணோடம் ஏழு விண்வெளி வீரர்களுடன் பன்னாட்டு விண்வெளி நிலையத்துக்கு புறப்பட்டது. (சிஎன்என்)
• மே 28: நேபாளத்தில் அதன் அரசியலமைப்பு அவை நாட்டை மக்களாட்சிக் குடியரசாக அறிவித்து 240 ஆண்டுகால மன்னராட்சியை முடிவுக்குக் கொண்டு வந்தது. (சிஃபி)
• மே 26: எதியோப்பியாவின் முன்னாள் தலைவர் மெங்கிஸ்து ஹைலி மரியாம் மீது 1978இல் இடம்பெற்ற படுகொலைகளுக்காக அவர் இல்லாத நிலையில் எதியோப்பிய நீதிமன்றம் ஒன்று மரணதண்டனை விதித்துத் தீர்ப்பளித்தது. (பிபிசி)
• மே 25:
  • பீனிக்ஸ் விண்கலம் செவ்வாய்க் கோளில் வெற்றிகரமாகத் தரையிறங்கியது. (நாசா)
  • இந்தியாவின் கர்நாடகா மாநில சட்டசபை தேர்தல்களில் பாரதீய ஜனதாக் கட்சி பெரும்பான்மையான இடங்களைப் பெற்று வெற்றி பெற்றது. (ரேடியோ ஆஸ்திரேலியா)
• மே 23: பத்து பூத்தே தீவு (Pedra Branca) மீதான அரசுரிமையை அனைத்துலக நீதிமன்றம் சிங்கப்பூருக்கு வழங்கியது. சிங்கப்பூருக்கும் மலேசியாவுக்கும் இடையில் இருந்த 28 ஆண்டுக்கால சர்ச்சை முடிவுக்கு வந்தது. இத்தீவுக்குச் சற்றுத் தள்ளியுள்ள இரண்டு சிறிய தீவுத்திட்டுகள் - மிடல் ரோக்ஸ், சவுத் லெட்ஜ் ஆகியவை மலேசியாவுக்குச் சொந்தமானவை என முடிவு செய்தது. (சனல்ஏசியா நியூஸ்), (மலேசியாஇன்று)
• மே 22: 2008 சிச்சுவான் நிலநடுக்கம்: நிலநடுக்கத்தில் இறந்தவர்களின் எண்ணிக்கை 51,151 ஆக அதிகரித்தது. (ஏஎஃப்பி)
• மே 20: சீனக் குடியரசின் (தாய்வான்) அரசுத் தலைவராக மா யிங்-ஜூ பதவியேற்றார். (பிபிசி)
• மே 19:
  • தென்னாபிரிக்காவில் வெளிநாட்டவர்கள் மீது நடத்தப்பட்ட தாக்குதல்களை அடுத்து 13 பேர் கொல்லப்ப்பட்டனர். கிட்டத்தட்ட 6,000 பேர் வெளியேறினர். (பிபிசி செய்திகள்)
  • சிச்சுவான் நிலநடுக்கத்தில் சிக்கியவர்களை மீட்கும் பணியில் ஈடுபட்ட 200 பேர் மண்சரிவில் சிக்கி இறந்தனர். (ஏபி)
• மே 18:
  • கனடாவில் நிகழ்ந்த பனி வளைதடிப் பந்தாட்ட உலகக் கிண்ணப் போட்டிகளின் இறுதிச் சுற்றில் ரஷ்யா கனடாவை 5-4 என்ற கணக்கில் வென்று உலகக்கிண்ணத்தைப் பெற்றுக் கொண்டது. (ஏஎஃப்பி)
  • 2008 சிச்சுவான் நிலநடுக்கம்: நிலநடுக்கத்தில் இறந்தவர்களின் எண்ணிக்கை 32,477 ஆக அதிகரித்தது. 14,000 பேரை காணவில்லை எனவும் 205,000 பேர் இடம்பெயர்ந்துள்ளனர் எனவும் அறிவிக்கப்பட்டுள்ளது. (புளூம்பேர்க்)
• மே 13: இந்திய நகரமான ஜெய்ப்பூரில் இடம்பெற்ற தொடர் குண்டுவெடிப்புகளில் குறைந்தது 60 பேர் கொல்லப்பட்டு 180 பேர் காயமடைந்தனர். (பிபிசி)
• மே 12: சீனாவின் சிச்சான் மாநிலத்தின் வென்சுவா மாவட்டத்தில் 7.8 ரிக்டர் அளவு நிலநடுக்கம் ஏற்பட்டதில் 12,000 பேருக்கு மேல் கொல்லப்பட்டனர். (ஏஎஃப்பி)
• மே 10: ஐக்கிய அமெரிக்காவில் வீசிய சூறாவளியில் ஒக்லகோமாவில் 6 பேரும் மிசூரியில் 4 பேரும் கொல்லப்பட்டனர். (நியூஸ்ஓகே)
• மே 9: ஹெஸ்புல்லா இயக்கம் லெபனானின் பெய்ரூட் நகரின் பெரும் பகுதியைக் கைப்பற்றியது. (ஏஎஃப்பி)
• மே 7:
  • 3,000 கிமீ தூரம் செல்லக்கூடிய அக்னி 3 ஏவுகணையை இந்தியா வெற்றிகரமாகச் சோதித்தது. (பிபிசி)
  • திமித்ரி மெட்வெடவ் ரஷ்யாவின் புதிய அதிபராக பதவியேற்றார். (பிபிசி)
• மே 6: சிலியில் சாய்ட்டன் எரிமலையின் சீற்றம் அதிகரித்தைத் தொடர்ந்து சாய்ட்டன், மற்றும் ஃப்பூட்டலேஃபு நகர மக்கள் அனைவரும் வெளியேறினர். (ராய்ட்டர்ஸ்)
• மே 4: சூறாவளி நர்கிஸ் பர்மாவைத் தாக்கியதில் குறைந்தது 22,000 பேர் கொல்லப்பட்டனர். பல கட்டிடங்கள் சேதமடைந்தன. (பிபிசி)
• மே 2: தெற்கு சூடானில் இடம்பெற்ற விமான விபத்தில் சூடானின் அமைச்சர் உட்படப் பலர் கொல்லப்பட்டனர். (AFP)
• மே 1:
  • முன்னாள் இந்தியப் பிரதமர் ராஜீவ் காந்தி கொலை வழக்கில் ஆயுள் தண்டை பெற்ற நளினி சிறீகரன் தன்னை விடுதலை செய்யக் கோரி சென்னை உயர்நீதிமன்றில் வழக்குத் தாக்கல் செய்தார். (தினமலர்)
  • சேர் மால்ட்டாவின் முதலாவது அரசு தலைவரும் உலகின் வயதில் கூடிய முன்னாள் அரசுத் தலைவருமான அந்தோனி மாமோ தனது 99வது அகவையில் காலமானார். (மால்ட்டா டைம்ஸ்)

• மே 31: கொழும்பு, வெள்ளவத்தையில் இடம்பெற்ற கைக்குண்டுத் தாக்குதலில் 2 பொதுமக்கள் கொல்லப்பட்டு, 10 பேர் காயமடைந்தனர். (புதினம்)
• மே 29:
  • யாழ்ப்பாணம் மண்டைதீவுக்கு அருகில் உள்ள சிறுத்தீவு கடற்படைத்தளம் கடற்புலிகளின் சிறப்பு கொமாண்டோ தாக்குதல் அணியினரால் தாக்கியழிக்கப்பட்டதில் 13 கடற்படையினர் கொல்லப்பட்டனர். (புதினம்)
  • சிறுத்தீவு கடற்படைத் தளம், விடுதலைப் புலிகளால் தாக்கி அழிக்கப்பட்டதையடுத்து மேற்கொள்ளப்பட்ட கண்மூடித்தனமான மோட்டார் தாக்குதலில் 5 பொதுமக்கள் கொல்லப்பட்டனர். கொழும்புத்துறை பங்குத்தந்தை உட்பட 13 பேர் காயமடைந்தனர். (புதினம்)
• மே 28: யாழ்ப்ப்பாண நகரில் நாவாந்துறையில் ஊடகவியலாளர் பி. தேவகுமார் மற்றும் அவரது நண்பர் ஒருவரும் வெட்டிக்கொலை செய்யப்பட்டனர். (புதினம்)
• மே 26: கொழும்பில் இருந்து பாணந்துறை நோக்கிச் சென்றுகொண்டிருந்த தொடருந்தில் இடம்பெற்ற குண்டுவெடிப்பில் 9 பேர் கொல்லப்பட்டு 73 பேர் படுகாயமடைந்தனர். (புதினம்)
• மே 23:
  • கிளிநொச்சி மாவட்டத்தில் முறிகண்டி அக்கராயன் வீதியில் இலங்கைப் படையினர் நடத்திய கிளைமோர்த் தாக்குதலில் சிறுவர், சிறுமியர், குழந்தைகள் உட்பட 16 பொதுமக்கள் படுகொலை செய்யப்பட்டனர். (புதினம்)
  • வடமராட்சி கிழக்கு சுண்டிக்குளம் பகுதியில் இலங்கை வான்படையின் வானூர்திகள் நடத்திய குண்டுத்தாக்குதலில் 2 அப்பாவிப் பொதுமக்கள் உடல் சிதறி கொல்லப்பட்டானர். 3 பேர் காயமடைந்தனர். (புதினம்)
• மே 22: மட்டக்களப்பு ஆரையம்பதியில் இலங்கைப் படையினருடன் சேர்ந்தியங்கும் துணைப்படையான பிள்ளையான் குழுவால் 3 முஸ்லிம்கள் சுட்டுப்படுகொலை செய்யப்பட்டனர். 7 பேர் படுகாயமடைந்தனர். (புதினம்)
• மே 18: மன்னார், கருங்கண்டல்குளம் அணை ஊடாக வண்ணாங்குளம் நோக்கி இலங்கைப் படையினர் மேற்கொண்ட நகர்வுக்கு எதிராக விடுதலைப் புலிகள் நடத்திய தாக்குதலில் 20-க்கும் அதிகமான படையினர் கொல்லப்பட்டு, 40-க்கும் அதிகமானோர் காயமடைந்தனர். (புதினம்)
• மே 16:
  • தமிழ் மக்கள் விடுதலைப் புலிகள் தலைவர் சிவநேசதுரை சந்திரகாந்தன் (பிள்ளையான்) கிழக்கு மாகாணத்தின் முதலமைச்சராக பதவிப் பிரமாணம் செய்து கொண்டார். (தமிழ்நெட்)
  • கொழும்பு மத்தியில் வான்படையினரின் சோதனை நிலையம் அமைந்துள்ள பகுதியில் இடம்பெற்ற தற்கொலைக் குண்டுவெடிப்பில் 7 காவல்துறையினர் உட்பட 10 பேர் கொல்லப்பட்டு 90 பேர் காயமடைந்தனர். (புதினம்), (பிபிசி)
• மே 13: யாழ்ப்பாணம் நெல்லியடியில் ஈபிடிபியின் செயலாளர் நாயகம் டக்ளஸ் தேவானந்தாவின் சட்ட ஆலோசகர் மகேஸ்வரி வேலாயுதம் அடையாளம் தெரியாதோரினால் சுட்டுக்கொல்லப்பட்டார். (புதினம்)
• மே 12: மட்டக்களப்பு பனிச்சங்கேணியில் துணை இராணுவக்குழுவைச் சேர்ந்த உறுப்பினரின் கைக்குண்டு வெடித்ததில் ஒருவர் கொல்லப்பட்டு, சிறுவர்கள் உட்பட 11 பேர் காயமடைந்தனர். (புதினம்)
• மே 11: இலங்கையின் கிழக்கு மாகாண சபைத் தேர்தலில் இலங்கை அரசின் ஆளும் ஐக்கிய மக்கள் சுதந்திரக் கூட்டணி 20 ஆசனங்களைக் கைப்பற்றி வெற்றியீட்டியது. ஐக்கிய தேசியக் கட்சி 15 ஆசனங்களைக் கைப்பற்றியது. (புதினம்)
• மே 10: திருகோணமலை துறைமுகத்தில் ஆயுதங்கள் ஏற்றப்பட்ட நிலையில் இலங்கைப் படையினரின் ஏ-520 என்ற வழங்கல் கப்பல் கரும்புலிகளால் தாக்கி மூழ்கடிக்கப்பட்டது. (புதினம்), (டெய்லிமிரர்)
• மே 9:
  • அம்பாறை நகரில் உள்ள பேருந்து நிலையத்திற்கு அண்மையில் நிகழ்ந்த குண்டுவெடிப்பு நிகழ்வில் 13 பேர் கொல்லப்பட்டு, 30-க்கும் அதிகமானோர் காயமடைந்தனர். (டெய்லி நியூஸ்)
  • மன்னார், கறுக்காய்குளம் பகுதியில் இலங்கைப் படையினர் மேற்கொண்ட முன்நகர்வைத் தாம் முறியடித்ததாகவும் 30-க்கும் அதிகமான படையினர் கொல்லப்பட்டு, 5 உடலங்களும் ஆயுதங்களும் மீட்கப்பட்டதாகவும் விடுதலைப் புலிகள் தெரிவித்தனர். (புதினம்)
• மே 8: லண்டனில் சிறை வைக்கப்பட்டிருந்த கருணா என்ற விநாயகமூர்த்தி முரளிதரன் விடுவிக்கப்பட்டார். (டெய்லி மிரர்)
• மே 6: மன்னாரில் இலங்கைப் படையினரின் இரு முன்நகர்வுகள் தமிழீழ விடுதலைப் புலிகளால் முறியடிக்கப்பட்டதில் 9 படையினர் கொல்லப்பட்டு, படையினரின் கவச ஊர்தி கண்ணிவெடியில் சிக்கி அழிந்தது. (புதினம்)
• மே 1: மணலாறுப் பகுதியில் இடம்பெற்ற கிளைமோர்த் தாக்குதலில் 2 இலங்கை அதிரடிப்படையினர் கொல்லப்பட்டனர். (புதினம்)

[தொகு] இறப்புகள்

• மே 20 - பால்ராஜ், விடுதலைப் புலிகளின் மூத்த தளபதி (பி. 1965)