|
|
Républik Indonésia
Républik Indonésia ngarupakeun hiji kapuloan nu aya di antara Asia Tenggara jeung Australia, antara Sagara Hindia jeung Sagara Pasifik. Indonesia wawatesan jeung Malaysia di pulo Bornéo, Papua Gini Anyar di Pulo Papua, jeung Timor Wétan di pulo Timor.
[édit] Sajarah
Artikel Utama: Sajarah Indonésia
Dina pangaruh Buda, aya sababaraha karajaan di pulo Sumatra jeung Jawa ti abad ka-7 nepi ka abad ka-14. Saterusna datang sodagar-sodagar ti Arab mawa Islam, nu ka béh dieunakeun jadi agama mayoritas.
Nalika bangsa Éropa datang mangsa munggaran abad ka-16, maranéhna manggihan rupa-rupa nagara leutik. Kabitaeun pisan bangsa Éropa, nu mémang keur karanjingan ngawasa dadagangan rempah-rempah. Abad ka-17, bangsa Walanda nanjung jadi salasahiji nagara Éropa pangkuatna, ngawasa Nusantara kalawan ngalindih Inggris jeung Portugal (iwal Timor).
Satutasna VOC dibubarkeun, kakawasaanana di Indonésia dicepeng ku Pamaréntah Walanda. Satutasna leupas tina pangjajah Jepang taun 1945, bangsa Indonésia ngabéwarakeun kamerdikaan dipingpin ku Sukarno. Walanda ahirna narima, najan elat, dina taun 1949. Ti ngadegna Indonesia, Sukarno diangkat jadi présidén munggaran.
Suharto jadi présidén (1968) satutasna ngagulingkeun Sukarno nu pamaréntahanana jadi otokratik. Alatan pamaréntahanana nu subur ku polah korup, Suharto dipaksa mundur taun 1998.
[édit] Propinsi
Kaca Utama: Propinsi di Indonésia
Ayeuna, Indonésia ngabogaan 30 propinsi, 2 daérah istiméwa jeung 1 daérah husus ibukota. Propinsi-propinsi ieu dibagi deui jadi kabupatén-kabupatén, nu salajengna dibagi deui jadi kacamatan jeung kota administratif. Propinsi-propinsina nyaéta,
Bali, Bangka-Belitung, Banten, Bengkulu, Jawa Tengah, Kalimantan Tengah, Sulawesi Tengah, Jawa Wétan, Kalimantan Wétan, Nusa Tenggara Wétan, Sumatra Kidul, Gorontalo, Jambi, Lampung, Maluku, Maluku Kalér, Sulawesi Kalér, Sumatra Kalér, Papua (Irian Jaya), Riau, Sulawesi Tenggara, Kalimantan Kidul, Sulawesi Kidul, Irian Jaya Kulon, Jawa Kulon, Kalimantan Kulon, Nusa Tenggara Kulon, Sumatra Kulon
Daérah-daérah hususna (daérah istiméwa, DI) nyaéta Acéh jeung Jogjakarta, sedengkeun daérah husus ibukotana Jakarta.
Kapuloan Riau bakal jadi propinsi sorangan, misah ti propinsi Riau.
[édit] Géografi
Kaca Utama: Géografi Indonésia
Tempo ogé: Peta Asia
[édit] Ekonomi
Kaca Utama: Indonésia Ekonomi
[édit] Démografi
Kaca utama: Démografi Indonesia
Populasi Indonésia sacara kasar bisa dibagi kana dua kelompok. Di beulah kulon, umumna dieusi ku urang Malayu, sedengkeun di wewengkon wétan nyaéta urang Papua. Sanajan kitu, struktur sélér sabenerna leuwih rupa-rupa, katambah ku sélér-sélér tradisional nu aya di Bornéo/Kalimantan jeung Papua. Urang Cina ngabentuk hiji sélér minoritas (2 nepi ka 3 juta).
Islam mangrupa agama nu utama di Indonesia, ampir 80% ngagem agama ieu. Sesana ngagem agama Kristen (9%), Buda (2%), jeung Hindu (1%), nu panungtungan lolobana aya di Bali. Koflik antaragama rada mindeng dina taun-taun ieu, utamana di Maluku.
Basa nasional, Bahasa Indonesia - hiji dialék basa Malayu - dipaké ku ampir sakabéh warga, sanajan dialék lokal biasana masih lumaku salaku basa poko.
[édit] Budaya
Artikel utama: Budaya Indonesia
Wujud seni di Indonesia dipangaruhan ku sababaraha budaya. Misalna Ibing Jawa jeung ibing Bali nu geus kakoncara, dipangaruhan ku budaya jeung mitologi Hindu, buda dan islam.
Pintonan wayang kulit Jawa nu ogé geus kakoncara, nunjukkeun sababaraha kajadian mitologis.
Dina bukuna Max Havelaar, pangarang Walanda Multatuli ngritik kalakuan pamarentahna (Pamarentah jajahan Walanda) ka Bangsa Indonesia, meunangkeun perhatian internasional.
[édit] Bacaan salajengna
[édit] Tumbu kaluar
| Kaanggotaan internasional |
|
|
|
