Wikipèdia:Bòt

Los bòts (abreviacion de robòts) son d'agents automatics o semi-automatics qu'interagisson amb Wikipèdia coma o fa un utilizaire lambda mas per de prètzfaches repetitius e fastidioses per un uman.

Los bòts pòdon èsser utilizats per generar d'articles. D'autres pòdon èsser utilizats per editar o quitament destruire d'articles. Cèrts bòts son especializats dins la gestion dels ligams d'interlenga, la resolucion de las omonimias o encara las operacions sus las categorias.

De bòts plan concebuts pòdon aportar un benefici concret a Wikipedia. Çaquelà, perque lo sistèma es pas estat concebut per suportar de bòts, quitament un bon bòt pòt aver d'efièches segondaris indesirables.

S'avètz besonh de l'ajuda d'un bòt (levat per las categorias), clicatz aicí...
Se vòstra requèsta concernís de categorias, clicatz aicí

Per demandar l'autorizacion d'utilizar un bòt sus Wikipèdia o per vos prononciar sus las demandas en cors, clicatz aicí

Somari

[Modificar] Beneficis e efièches segondaris dels bòts

Beneficis que los bòts presentan

Fornisson un bon modèl de donadas preformatadas pels contributors.
Fornisson potencialament una ressorsa unica qu'es pas dirèctament accessibla sul web.
Permeton de metre a jorn automaticament d'informacions coma una lista d'articles recents suls portals o d'efectuar de prètzfaches repetitius coma per exemple importar un grand nombre d'imatges.

Efièches segondaris inerents a l'utilizacion dels bòts dins lo sistèma actual

Ajustar a Wikipedia de desenas de milions d'entradas que son pas prèp d'èsser modificadas per un Wikipedian.
Aumenta artificialament l'activitat percebuda de Wikipedia.
Pòt èsser percebuda coma d'usurpacion de las tòcas de Wikipèdia, d'una enciclopèdia a una gaseta per exemple.
Dangièr d'abús per de « bòts vandals » o simplament de bòts errants. Un bòt incontrolable pòt potencialament causar una carga serveire importanta o quitament un atac DOS.
Planhs a prepaus d'interferéncias amb las operacions normalas dels contributors (Lista de seguit per exemple).

[Modificar] Règlas d'utilizacion dels bòts

Se destria dos tipes de bòts :

lo bòt utilizat de biais temporari e a escala pichona. Aqueste tipe de bòt pòt èsser utilizat dirèctament jol compte de l'utilizaire. Es recomandat a l'utilizaire de far *fòrt* atencion. En cas de problèma (derapatge del bòt), lo compte d'utilizaire poirà èsser blocat per un sysop ;
lo bòt a usatge frequent e escala granda. Çò que seguís concernís aqueste tipe de bòt.

Primièrament, un bòt deu èsser autorizat per poder èsser utilizat.

Per suggerir un trabalh susceptible d'èsser complit per un bòt, sometètz vòstra requèsta e metètz un mot a la tavèrna se la requèsta es importanta.

Lo creator de bòt deu demostrar que :

Lo bòt es util.
Lo bòt es sens dangièr.
Lo bòt satura pas lo serveire.
Lo bòt es estat aprovat per qualqu'un.

Dins l'ideal, se deuriá totjorn verificar amb un sysop o un desvolopaire abans d'utilizar lo bòt. Cal que lo bòt siá pro lent per que las errors pòscan èsser detectadas rapidament e corregidas pels autres abans que cause de damatges.

Segondament, lo bòt deu tanben far sos cambiaments coma un utilizaire loggat que pòt èsser contactat en cas de problèma. Un bòt deu poder èsser arrestat a tot moment per un sysop quin que siá.

Es demandat de crear un compte d'utilizaire independent, e de far enregistrar aqueste compte d'utilizaire jos un estatut de bòt. Aquò pòt èsser fach pels m:stewards sus meta.

[Modificar] L'estatut de bòt

[Modificar] Validacion d'un bòt novèl

Una demanda deu èsser facha sus la pagina Wikipèdia:Bòt/Estatut. Se la requèsta es acceptada, lo proprietari del bòt pòt demandar lo bòt flag sus meta.

[Modificar] Recomandacions

[Modificar] Ajust del sufix "bòt" a la fin del nom

Per permetre als utilizaires de destriar melhor los robòts dels simples utilizaires, es desirable de causir un nom que s'acabe per la sillaba "bòt". Recipròcament, dins Ajuda:compte utilizaire, se demanda als simples utilizaires de defugir aquesta sillaba.

[Modificar] Aparicion dins los darrièrs cambiaments

Amb l'estatut de bòt, las contribucions del bòt apareisseràn pas automaticament dins los Darrièrs cambiaments. Çaquelà, es possible de veire lors contribucions en activant l'opcion « afichar los robòts ».

De mai, es desconselhat de levar las foncions de temporizacion dels bòts coma los sleep presents dins PyWikipedia. Quitament se los darrièrs cambiaments apareisson pas dins la lista abituala, es totjorn possible d'observar lo comportament dels bòts (via IRC) e los blocar en cas de modificacions en rafala. Una diminucion dels temps d'espèra pòt èsser envisatjada fins a un periòde rasonable (ie. cada 15 a 45 segondas). PyWikipedia per exemple prepausa un tal paramètre (veire minthrottle e maxthrottle dins config.py)

[Modificar] Acuèlh dels novèls venguts

L'utilizacion d'un bòt es de proscrire per aqueste trabalh. Es preferible de conservar un ajust manual dels bendèls per privilegiar los contributors serioses.

[Modificar] Lista dels bòts sus la Wikipèdia Occitana

Veire tanben : Categoria:Bòt Wikipèdia.

[Modificar] Bòts autorizats e utilizats actualament

Nom del bòt	Contribucions	Responsable	Foncion
GetoBot	contribs	Gòranò
YurikBot	contribs	Yurik
Cedricbot	contribs	Cedric31
TuvicBot	contribs	Tuvic
Zyxwvut-Bot	contribs	Hégésippe Cormier
Escarbot	contribs	Vargenau
Robbot	contribs	Andre Engels