Matematikk er læra om tal og rom og generaliseringar av desse to nøkkelomgrepa. Moderne matematikk kan også kallast læra om strukturar på mengder, i tråd med forsøket på å skildra all matematikk ved hjelp av aksiomatisk mengdelære. Tradisjonelle underdisiplinar i matematikken er først og fremst geometri (læra om rommet), algebra (læra om tala) og analyse (læra om kontinuumet). Underdisiplinar av nyare dato er mellom anna topologi og algebraisk geometri.
