Skyskrapar

Taipei 101, den høgaste skyskraparen i verda med sine 508 meter

Ein skyskrapar er ei nemning som blir nytta om spesielt høge bygningar, per definisjon høgare enn 500 fot eller ca. 152,5 meter. I Europa er det etter kvart blitt vanlig å bruke 150 m som definisjon. Det engelske ordet skyscraper var opphavleg namnet på ei høg mast, eller eit segl, på eit seglskip.

På 1800-talet var det uvanlig at hus hadde meir enn seks etasjar; det blei for slitsamt for folk å gå trappene og vasstrykket i vassrøyra nådde berre 15 meter opp i bygget. Utviklinga innanfor stål, armeringsjern, heisar og vannpumper gjorde skyskraparane mulige. Den første verkelege skyskraparen kom i Chicago, Home Insurance Building, og var ti etasjar høg.

Den høgaste skyskraparen i verda i dag er Taipei 101, i Taipei, som er 508 meter høg, medan den høgaste bygningen i Noreg (Oslo Plaza i Oslo som er 117 meter høg) ikkje eigentleg er ein skyskrapar, sjølv om både den og lågare bygningar av og til blir omtalt som skyskraparar i media. Ein skyskrapar som er under bygging i Dubai, Burj Dubai, vil bli den høgaste i verda når han står ferdig. Ein reknar at bygningen vil bli 850 meter høg og ha rundt 160 etasjar.