मार्च १६

मार्च १६ हा ग्रेगरी दिनदर्शिकेनुसार वर्षातील ७४ वा किंवा लीप वर्षात ७५ वा दिवस असतो.

[संपादन] ठळक घटना

[संपादन] बारावे शतक

• ११९० - ख्रिश्चनधर्मीयांनी इंग्लंडच्या यॉर्क शहरात ज्यू व्यक्तींचे सक्तीने धर्मांतर सुरू केले. धर्मांतर न करुन घेणार्‍यांना मृत्यूदंड दिला गेला. अनेक ज्यूंनी ख्रिश्चन होण्यापेक्षा आत्महत्त्या करणे पसंत केले.

[संपादन] सोळावे शतक

• १५२१ - फर्डिनांड मॅगेलन जगप्रदक्षिणा करीत फिलिपाईन्सला पोचला

[संपादन] एकोणिसावे शतक

• १८१५ - विल्यम पहिल्याने स्वतःला नेदरलँड्सचा राजा घोषित केले.
• १८१८ - कांचा रायादाची लढाई - होजे दि सान मार्टिनच्या स्पॅनिश सैन्याने चिलीचा पराभव केला.

[संपादन] विसावे शतक

• १९२६ - रॉबर्ट गॉडार्डने पहिले द्रव-इंधनचालित रॉकेट प्रक्षेपित केले.
• १९४५ - दुसरे महायुद्ध - रॉयल एर फोर्सने तुफान बॉम्बफेक करुन जर्मनीच्या वुर्झबर्ग शहराचा २० मिनीटांत विनाश केला.
• १९६२ - १०७ प्रवासी असलेले सुपर कॉन्स्टेलेशन प्रकारचे विमान पॅसिफिक महासागरात गायब झाले.
• १९६३ - बाली बेटावरील माउंट अगुंग या ज्वालामुखीचा उद्रेक. ११,००० ठार.
• १९६८ - व्हियेतनाम युद्ध-माय लाईची कत्तल - अमेरिकेच्या सैन्याने ३५० ते ५०० व्हियेतनामी नागरिकांची हत्या केली.
• १९६९ - व्हेनेझुएलाच्या माराकैबो विमानतळावर डी.सी. ९ प्रकारचे विमान उड्डाण करताच कोसळले. १५५ ठार.
• १९७६ - युनायटेड किंग्डमच्या पंतप्रधान हॅरोल्ड विल्सनने राजीनामा दिला.
• १९७८ - तेलवाहू जहाज अमोको कॅडिझ फ्रांसच्या किनार्‍याजवळ खडकांवर आदळले. काही वेळाने या प्रचंड जहाजाचे दोन तुकडे झाले.
• १९८८ - इराकने हलाब्जा या कुर्दिस्तानमधील शहरावर विषारी वायुने हल्ला केला. हजारो मृत्युमुखी.
• १९९३ - अमेरिकेच्या पूर्व किनार्‍यावर प्रचंड हिमवादळ. १८४ ठार.
• १९९५ - अमेरिकेच्या मिसिसिपी राज्याने अधिकृत रीत्या गुलामगिरीची प्रथा बेकायदा ठरवली.
• १९९८ - दुसर्‍या महायुद्धाच्या काळात ज्यूंचे शिरकाण सुरू असताना त्याविरुद्ध आवाज न उठवल्याबद्दल पोप जॉन पॉल दुसर्‍याने ख्रिश्चन धर्मीयांच्या वतीने जाहीर माफी मागितली.

[संपादन] एकविसावे शतक

• २००५ - सम्राट कनिष्क या एर इंडियाच्या विमानावर बॉम्बहल्ला करुन ३२९ प्रवासी व कर्मचार्‍यांना मारल्याच्या आरोपातून रिपुदमनसिंग मलिक व अजायबसिंग बागरी यांची कॅनडाच्या न्यायालयाने सुटका केली.
• २००७ - २००७च्या विश्वचषक स्पर्धेत दक्षिण आफ्रिकेच्या हर्शल गिब्सने नेदरलँड्सच्या डान व्हान बुंगेच्या एका षटकात ६ षटकार मारले. हा विश्वचषक तसेच एकदिवसीय सामन्यांच्या इतिहासातील उच्चांक आहे.

[संपादन] जन्म

• १७५१ - जेम्स मॅडिसन, अमेरिकेचा चौथा राष्ट्राध्यक्ष.
• १७८९ - जॉर्ज सायमन ओह्म, जर्मन भौतिकशास्त्रज्ञ.
• १८०० - निंको, जपानी सम्राट.
• १८७७ - मोहम्मद रझा शाह पेहलवी, इराणचा शहा.
• १९४१ - रॉबर्ट ग्वेई, कोटे दि'आयव्होरचा हुकुमशहा.
• १९५९ - जेन्स स्टोल्टेनबर्ग, नॉर्वेचा पंतप्रधान.

[संपादन] मृत्यू

• ४५५ - व्हॅलेन्टिनियन तिसरा, रोमन सम्राट.

[संपादन] प्रतिवार्षिक पालन

मार्च १४ - मार्च १५ - मार्च १६ - मार्च १७ - मार्च १८ - (मार्च महिना)