|
|
ഇതര ഭാഷകളില്
|
വിക്കിപീഡിയ:വിവരണം2001-ല് ആരംഭിച്ച, അതിവേഗം വളര്ന്നു കൊണ്ടിരിക്കുന്ന സൂചക വെബ്സൈറ്റും സര്വ്വവിജ്ഞാനകോശവും ആണ് വിക്കിപീഡിയ. വിക്കിപീഡിയയടെ ഉള്ളടക്കം സ്വതന്ത്രവും, ലോകമെമ്പാടും ഉള്ള ആള്ക്കാരുടെ സംയുക്ത പ്രവര്ത്തനത്തിന്റെ ഫലവുമാണ്. വിക്കി എന്നു പറഞ്ഞാല് ഇന്റര്നെറ്റുമായി ബന്ധപ്പെട്ടിട്ടുള്ള കമ്പ്യൂട്ടര് ഉള്ള ആര്ക്കും ബന്ധപ്പെടുവാനും, മാറ്റിയെഴുതുവാനും, തെറ്റുതിരുത്തുവാനും, വിവരങ്ങള് കൂടുതല് മെച്ചപ്പെടുത്തുവാനും കഴിയുന്നത് എന്നാണര്ഥം. വിക്കിപീഡിയയും ഇതിനപവാദമല്ല(പ്രധാനതാള്, സംരക്ഷിത ലേഖനങ്ങള് മുതലായ അപൂര്വ്വം താളുകള് ഒഴിച്ച്).
വിക്കിപീഡിയ എങ്ങിനെയാണ് സ്വതന്ത്രമായിരിക്കുന്നത്വിക്കിപീഡിയയുടെ ഉള്ളടക്കം സേവനം എന്ന നിലയില് ഗ്നു സ്വതന്ത്ര പ്രമാണീകരണ അനുമതിയിലാണ്(GNU Free Documentation Licence) ചിട്ടപ്പെടുത്തിയിരിക്കുന്നത്, എങ്ങിനെയെന്നാല് വിജ്ഞാനം ആര്ക്കും സ്വന്തമല്ല, അത് എല്ലാവര്ക്കും വേണ്ടിയുള്ളതാണ് എന്ന സങ്കല്പ്പത്തിലുള്ള കോപ്പിലെഫ്റ്റ്(copyleft) നിയമസംഹിതയാണ് അതിനായി ഉപയോഗിച്ചിരിക്കുന്നത്. വിക്കിപീഡിയ നന്നായുപയോഗിക്കാന്വിക്കിപീഡിയയെ അടുത്തറിയുകചിലര് ഈ സൈറ്റില് വരുന്നത് കൂടുതല് അറിവ് തേടിയാണ്, മറ്റു ചിലരാകട്ടെ തങ്ങള്ക്കറിയാവുന്നത് പങ്കുവെയ്ക്കാനും, എന്തു തന്നെ ആയാലും ഇതിലെ ലേഖനങ്ങള് മെച്ചപ്പെടുന്നുണ്ട് എന്നത് ഒരു വസ്തുതയാണ്. താങ്കള്ക്ക് മാറ്റങ്ങളെ കുറിച്ച് അറിയണമെന്നുണ്ടെങ്കില് പുതിയമാറ്റങ്ങള് എന്ന താളില് അത് കാണാവുന്നതാണ്. പുതിയ ലേഖനങ്ങളെ കുറിച്ച് അറിയണമെന്നുണ്ടെങ്കില് പുതിയ താളുകള് എന്ന താളില് അതും അറിയാവുന്നതാണ്. വിവിധ തരത്തിലുള്ള ജനങ്ങളുടെ സഹായത്താലാണ് വിക്കിപീഡിയയുടെ നിലനില്പ്പ് തന്നെ. മലയാളത്തിനു പുറമേ ഇരുനൂറിലധികം മറ്റു ഭാഷകളിലും വിക്കിപീഡിയ ലേഖനങ്ങള് ലഭിക്കുന്നതാണ്. വിക്കിപീഡിയയിലെ അടിസ്ഥാനപരവും ശരിയായും ഉള്ള നയിക്കപ്പെടല്വിക്കിപീഡിയയിലെ ലേഖനങ്ങള് എല്ലാം കണ്ണികളാല് പരസ്പരം ബന്ധിപ്പിക്കപ്പെട്ടിരിക്കുന്നു. എവിടൊക്കെ ഇതു പോലെ വ്യതിരിക്തമാക്കപ്പെട്ട വാക്കുകള് കാണുന്നുവോ അതിനര്ഥം ആ കണ്ണി ഉപയോഗിച്ച് ബന്ധപ്പെട്ട മറ്റൊരു ലേഖനത്തിലേക്ക് കടക്കാം എന്നാണ്. താങ്കള് എപ്പോഴും ബന്ധപ്പെട്ട ലേഖനത്തില്നിന്ന് ഒരു ക്ലിക്ക് മാത്രം അകലെ ആയിരിക്കും. നിയതമായ ഒരു ചട്ടക്കൂടിനുള്ളില് നില്ക്കാതെ കണ്ണികളുപയോഗിച്ച് അലഞ്ഞുതിരിയുന്നതു വഴി കൂടുതല് വിവരങ്ങള് ലഭിക്കാന് സാധ്യതയുണ്ട്. വിക്കിപീഡിയ ഒരു ഗവേഷണോപകരണം ആയുപയോഗിക്കാന്ലേഖനങ്ങള് വിക്കി ആയിരിക്കുന്നിടത്തോളം കാലം അത് ഒരിക്കലും സമ്പൂര്ണ്ണം അല്ല, എത്രകാലം അത് മാറ്റിയെഴുതപ്പെടുന്നോ അപ്പോഴൊക്കെയും സാധാരണ ഗതിയില് അവയുടെ ഗുണമേന്മയില് ഉയര്ച്ചയാണ് ഉണ്ടാകുന്നത്. വിക്കിപീഡിയയുടെ മേന്മകളും ബലഹീനതയും ചുരുക്കത്തില്വിക്കിപീഡിയയ്ക്ക് വളരെ അധികം മേന്മകളും അതു പോലെ തന്നെ ബലഹീനതകളും ഉണ്ട്, എന്തെന്നാല് അത് തിരുത്തല് സംബന്ധിച്ച മാര്ഗ്ഗരേഖകളും നയങ്ങളും പാലിക്കുന്ന ഏവര്ക്കുമായി തുറന്നിട്ടിരിക്കുന്നു.
അടിസ്ഥാന ബലഹീനതകള്:
വിക്കിപീഡിയ സംഭാവനകളുടെ സ്വഭാവംമാറ്റിയെഴുതുക എന്ന കണ്ണി ഉപയോഗിച്ച് ആര്ക്കു വേണമെങ്കിലും സംഭാവനകള് നല്കാന് കഴിയും. അതിനുമുന്പ് വഴികാട്ടി, സഹായം, നയങ്ങള്, നവാഗതര്ക്ക് സ്വാഗതം എന്ന താളുകള് കാണുന്നത് നല്ലതായിരിക്കും. ആരാണ് വിക്കിപീഡിയ എഴുതുന്നത്വിക്കിപീഡിയക്ക് പതിനായിരക്കണക്കിന് സ്ഥിര എഴുത്തുകാരുണ്ട്-കൈത്തഴക്കം വന്നവര് മുതല് സാധാരണക്കാര് വരെ. സൈറ്റില് വരുന്ന ആര്ക്കും എഴുതുവാന് സാധിക്കും എന്നതു കൊണ്ടു തന്നെ ഉള്ളടക്കത്തിന്റെ ഒരു അസാധാരണ ശേഖരം തന്നെ വിക്കിപീഡിയക്ക് സ്വന്തമായുണ്ട്. തെറ്റായ തിരുത്തലുകള്ക്കെതിരെ ഉപയോക്താക്കളെ സഹായിക്കന് കാര്യക്ഷമമായ സംവിധാനവും ഉള്ക്കൊള്ളിച്ചിരിക്കുന്നു. പ്രത്യേക അധികാരങ്ങളും, നല്ലലേഖനങ്ങളെ പിന്തുണക്കുവാനും കാര്യനിര്വാഹകരും(Administrators) ഉണ്ട്. പെട്ടന്ന് തീര്പ്പ് കല്പ്പിക്കാന് ബുദ്ധിമുട്ടുള്ള സന്ദര്ഭങ്ങളിലെ സഹായത്തിനായി പ്രത്യേക തടയല് അധികാരവും മറ്റും ഉള്ള ഒരു നീതിന്യായ സഭയും ഉണ്ട്. ഈ സൈറ്റിന്റെ ഉടമസ്ഥരായ വിക്കിമീഡിയ സംഘം ദൈനംദിന കാര്യങ്ങളിലും, ലേഖനങ്ങളിലും വലിയ തോതില് കൈകടത്തറില്ല. വിക്കിപീഡിയ താളുകള് തിരുത്തുവാന്വിക്കിപീഡിയ ലളിതവും ശക്തമായതുമായ ചട്ടക്കൂടാണ് അതിന്റെ താളുകള്ക്കായി ഉപയോഗിച്ചിരിക്കുന്നത്, താളുകളുടെ ഭംഗി കൂട്ടാന് അനുവദിക്കുന്നതിനുപരി കൂടുതല് വിവരസംഭരണത്തിനാണതില് ശ്രദ്ധിച്ചിരിക്കുന്നത്. ലേഖനങ്ങള് ഖണ്ഡങ്ങളും, ഉപഖണ്ഡങ്ങളും ആകുവാനും, കണ്ണികളുടെ നിര്മ്മാണത്തിനും, ചിത്രങ്ങളും, പട്ടികകളും ചേര്ക്കുവാനും, അന്താരാഷ്ട്ര ക്രമങ്ങള്ക്ക് പാകമായും,കൂടാതെ ഘടനാവല്ക്കരണത്തിന് എളുപ്പത്തിലും, ലോകത്തിലെ മിക്ക അക്ഷരങ്ങളും, ചിഹ്നങ്ങളും ഉള്ക്കൊള്ളിച്ചുമാണ് രൂപവല്ക്കരിച്ചിരിക്കുന്നത്. അടിസ്ഥാന വാക്ഘടനകള് (ചെരിച്ചെഴുതുക, കട്ടികൂട്ടി എഴുതുക മുതലായവ) വളരെ എളുപ്പത്തില് നിര്മ്മിക്കാവുന്നതും ആണ്. വിക്കിപീഡിയക്ക് വിവേകപൂര്വ്വമുള്ള ഭാഷ്യ പുനര്ഭാഷ്യ നിയന്ത്രണവും കൈമുതലായുണ്ട്. അതായത് താഴ്ന്നനിലവാരത്തിലുള്ള തിരുത്തലുകളും, വിധ്വംസകപ്രവര്ത്തനങ്ങളും, എളുപ്പത്തില് തന്നെ യോഗ്യമായ നിലവാരത്തിലേക്ക് മറ്റുള്ള ഉപയോക്താക്കളുടെ സഹായത്താല് എത്തിക്കാന് സാധിക്കും, അതുകൊണ്ട് തന്നെ വേണ്ട പരിചയം കൈമുതലായില്ലാത്തവര്ക്ക് മനപ്പൂര്വ്വമല്ലാതെ സ്ഥിരമായ ഒരു നാശം വരുത്തുവാന് സാധിക്കുകയില്ല. ഒരുപറ്റം നല്ല ഉപയോക്താക്കള് വിക്കിപീഡിയക്കുള്ളതുകൊണ്ട്, മോശപ്പെട്ടരീതിയില് തിരുത്തപ്പെട്ട ലേഖനങ്ങള് വളരെ എളുപ്പം തന്നെ പൂര്വ്വസ്ഥിതി പ്രാപിക്കുന്നു. വിക്കിപീഡിയ ഉള്ളടക്ക മാനദണ്ഡങ്ങള്വിക്കിപീഡിയയുടെ ഉള്ളടക്കം, വസ്തുതാപരവും, ശ്രദ്ധിക്കപ്പെടുന്നതും, പുറംസംവിധാനങ്ങള് ഉപയോഗിച്ച് പരിശോധനായോഗ്യവും, പക്ഷഭേദമില്ലാതെ അവതരിപ്പിക്കപ്പെട്ടതും ആയിരിക്കണം എന്നാണ് കരുതുന്നത്. സമുചിതമായ നയങ്ങളും, മാര്ഗ്ഗനിര്ദ്ദേശകരേഖകളും എവിടെ കാണാം:
ഇവയെ എല്ലാം വീണ്ടും ചുരുക്കി WP:NOT,WP:NPOV,WP:NOR,WP:V,WP:CITE എന്നറിയപ്പെടുന്നു. സംവാദ കൈകാര്യങ്ങളും, പ്രവര്ത്തന ദുര്വിനിയോഗങ്ങളുംസാധാരണയായുണ്ടാകുന്ന ആക്രമണങ്ങളെ നന്നായി തടയാന് കഴിവുള്ളതും, നന്നായി പരീക്ഷിക്കപെട്ടിട്ടുള്ളതുമായ വിക്കിപീഡിയ ദുര്വിനിയോഗ നിരോധനോപാധികളെ പൂര്ണ്ണമായി വിശ്വസിക്കാം.
വിക്കിപീഡിയയെ കുറിച്ച്വിക്കിപീഡിയയുടെ ചരിത്രംഇന്ന് പിന്വലിക്കപ്പെട്ടിരിക്കുന്ന നുപീടിയ എന്ന സ്വതന്ത്ര വിജ്ഞാനകോശത്തിന്റെ പൂരകസംവിധാനമായാണ് വിക്കിപീഡിയ ആരംഭിച്ചത്. നുപീടിയക്ക് മറ്റുള്ളവയോടു കിടപിടിക്കാവുന്ന ഗുണമേന്മയും, ഒന്നാന്തരം ലേഖകന്മാരും ഉണ്ടായിരുന്നു. പക്ഷേ ലേഖനങ്ങള് എഴുതപ്പെടുന്നത് വളരെ പതുക്കെ ആയിരുന്നു. 2000-ല് നുപീടിയയുടെ സ്ഥാപകന് ആയിരുന്ന ജിമ്മി വെയില്സും, അവിടുത്തെ ജോലിക്കാരനായിരുന്ന ലാറി സാന്ഗറും നുപീടിയക്ക് ഒരു അനുബന്ധ പ്രസ്ഥാനം തുടങ്ങുന്നതിനെ കുറിച്ച് ഏറെ ആലോചിച്ചു. 2001, ജനുവരി 2-ാം തീയതി ഒരു അത്താഴവിരുന്നില് വച്ച് കാലിഫോര്ണ്ണിയയിലെ സാന് ഡിയാഗോവില് നിന്നും എത്തിയ ബെന് കോവിറ്റ്സ് എന്ന കമ്പ്യൂട്ടര് പ്രോഗ്രാമര് വേര്ഡ് കുണ്ണിങ്ന്ഘാം എന്നയാളുടെ "വിക്കി" എന്ന സങ്കല്പ്പത്തെ കുറിച്ച് സാന്ഗറോടു പറയുകയും വിക്കി എന്ന സങ്കല്പ്പത്തെ വിശദീകരിച്ചു കൊടുക്കുകയും ചെയ്തു. സാന്ഗര്ക്ക് വിക്കി എന്ന ആശയം ബോധിക്കുകയും വെയില്സിനെ അതു പറഞ്ഞു മനസ്സിലാക്കുകയും ചെയ്തു. അങ്ങിനെ ജനുവരി 10-ാം തീയതി നുപീടിയുടെ ആദ്യ വിക്കി പുറത്തിറങ്ങി. നുപീടിയയുടെ ലേഖകരില് നിന്നും അഭ്യുംദയകാക്ഷികളില് നിന്നും ഉണ്ടായ് എതിര്പ്പു മൂലം ജനുവരി 15-ാം തീയതി വിക്കിപീഡിയ സ്വന്തം ഡൊമൈനില് വിക്കിപീഡിയ.കോം -ല് പുറത്തിറങ്ങി(ചിലരെങ്കിലും ആ ദിനത്തെ വിക്കിപീഡിയദിനം എന്നു പറയുന്നു). അതിനു വേണ്ട വിതരണവ്യാപ്തിയും(bandwidth), സെര്വറും വെയില്സ് തന്നെ സംഭാവന ചെയ്തു. 2001 മെയ് -ല് ഇംഗ്ലീഷ് ഇതര വിക്കിപീഡിയകള് ആദ്യമായി പുറത്തിറങ്ങി(കാറ്റലന്, ചൈനീസ്, ഡച്ച്, ജെര്മന്, എസ്പരാന്റോ, ഫ്രെഞ്ച്, ഹീബ്രും, ഇറ്റാലിയന്, ജാപ്പനീസ്, പോര്റ്റുഗീസ്,റഷ്യന്, സ്പാനിഷ്, സ്വീഡിഷ് മുതലായ ഭാഷകളില്, സെപ്റ്റംബര് 4-നു അറബിയും, ഹന്ഗേറിയനും കൂടെ ചേര്ന്നു). 2002 ഡിസംബര് 20 ന് ആണ് മലയാളം വിക്കിപീഡിയ പിറന്നു വീണത്.  ഈ താള് പൂര്ണ്ണമല്ല, ഇതു പൂര്ണ്ണമാക്കുവാന് വിക്കിപീഡിയ സംരംഭത്തില് പങ്കാളിയാവുക (ശ്രദ്ധിക്കുക: നവാഗതര്ക്ക് സ്വാഗതം, സഹായക താളുകള്)[[fr:Wikipédia:À propos]] |
