ത്രിപുര
ഇന്ത്യയിലെ ഒരു വടക്കു കിഴക്കന് സംസ്ഥാനമാണ് ത്രിപുര. ഹിമാലയ നിരകളില് സ്ഥിതിചെയ്യുന്ന ഇവിടെ മംഗോളിയന് വംശജരാണ് അധികവും താമസിക്കുന്നത്. കമ്യൂണിസ്റ്റ് പ്രസ്ഥാനങ്ങള്ക്ക് ആഴത്തില് വേരോട്ടമുണ്ടിവിടെ. സംസ്ഥാനത്തിന്റെ 54 ശതമാനവും വനഭൂമിയാണ്. നിക്ഷിപ്ത വനഭൂമി മാത്രം 3800 ചതുരശ്ര കി.മീ വരും. സംസ്ഥാന തലസ്ഥാനം അഗര്ത്തല ആണ്. മിസോറാം, അസം, മേഘാലയ എന്നീ സംസ്ഥാനങ്ങളുമായി അന്തര്സംസ്ഥാനാതിര്ത്തി പങ്കിടുന്ന ത്രിപുര, ബംഗ്ലാദേശുമായി രാജ്യാന്തര അതിര്ത്തിയും പങ്കിടുന്നു.
ആധുനിക ത്രിപുരയുടെ ചരിത്രം മഹാരാജാ മാണിക്യ ബഹദൂറില് പത്തൊമ്പതാം നൂറ്റാണ്ടില് തുടങ്ങുന്നു. അദ്ദേഹം ബ്രിട്ടീഷ് ഇന്ത്യയിലേപ്പോലെയുള്ള ഭരണസംവിധാനം ഏര്പ്പെടുത്തി. 1947-ല് ഇന്ത്യ സ്വതന്ത്രമാവുന്നതു വരെ അദ്ദേഹത്തിന്റെ പിന്ഗാമികള് ഭരിച്ചു. 1949-ല് ഇന്ത്യയില് ചേര്ന്നു. 1956-ല് കേന്ദ്രഭരണ പ്രദേശവും 1972 ജനുവരിയില് സംസ്ഥാനവും ആയി തീര്ന്നു.
ആകെ വിസ്തൃതിയില് 24.3 ശതമാനം മാത്രമാണ് കൃഷിക്കനുയോജ്യമായ ഭൂമി. ആധുനിക കൃഷിരീതികള് ഏറെ അവലംബിക്കുന്നുണ്ടെങ്കിലും പ്രതികൂല കാലാവസ്ഥമൂലം ഉല്പാദനം കുറവാണ്. ത്രിപുരയിലെ ജനങ്ങള് ഉയര്ന്ന വിദ്യാഭാസ നിലവാരം പുലര്ത്തുന്നു.
[തിരുത്തുക] പ്രധാന സ്ഥലങ്ങള്
കൊട്ടാരങ്ങള്ക്കും തടാകങ്ങള്ക്കും പേരു കേട്ട സ്ഥലങ്ങളാണ് അഗര്ത്തലയും, കുദ്രനഗറും, വനനിബിഢ പ്രദേശമായ സിപാഹിജല ഈ സംസ്ഥാനത്താണ്. കുന്നിന് നിരകളാലും, പ്രകൃതി രമണീയമായ ദൃശ്യങ്ങളാലും ചുറ്റപ്പെട്ടിരിക്കുന്ന ജംബായ് 'നിത്യവസന്ത സ്ഥലം' എന്നറിയപ്പെടുന്നു.
|
