Wikipedia

Dit artikel is gesjreve in 't Nuts. 't Weurt gewaardeerd óm in dit artikel 't Nuts aan te hauwe of aan te gaeve welk anger dialek gebroek is.

Logo van Wikipedia

Wikipedia is e projek va de Wikimedia Foundation, ing organisasie zónger winsougmirk. 't Doel va Wikipedia is om in jiëker taal 'n kompliëte, rechtevrië encyclopedie te sjriëve. Behauve typische encyclopedie-artikele bevat Wikipedia ouch informasie die vaak in verbandj gebrach weurt mit almanakke, specialitische tiedsjrifte en zake die in 't nuujs zunt.

Drie hoofkarakteristieke diffeniëre de niesj va Wikipedia op 't World Wide Web:

1. 't doel is veural om 'n encyclopedie te weure
2. 't is 'ne Wiki, dae doer jiëkerinne kint weure verangerd (behauve doer geblokkierde gebroekersj en de besjermde pazjenaas).
3. 't is vrieë content, en maak gebroek van de copyleft GNU Free Documentation License.

Wikipedia is begonne op 15 jannuarie 2001, allein in 't Ingelsj. De iësjte angesjtaolige versie, in 't Frans, is begós op 23 maart 2001. Begin januari 2005 besjtèt de Ingelsje versie oet mieë as 440000 artikele en zunt er zoeën 1,3 miljoeën artikele in alle tale same.

De Limburgse Wikipedia is begós in september 2004, mer de ieësjte echte artikele zunt va december va dat jaor. In de winter van 2005 is dit projek hel gegrujd, tot bienao 500 artikele taege 't eind van mieërt. Op dit moment haet de Limburgse wikipedia 4109 artikele.

[bewirk] Wiki

Wikipedia is 'ne wiki, 'n website woeë elke bezeuker de artikele kint verangere en woe dees verangeringe meteen doergeveurd weure. Artikele weure neet gecontrolleerd doer aangeweze gebroekersj of speciaal editors, en de vriewillige auteursj waarsjuwe dat contributies zónger genade collectief weure verangerd. 't Is neet nuëdig dat auteursj expertise of formael kwalifikaties höbbe in de ongerwerpe woemit ze zich bezighoute, hetgein e punt van kritiek is veur sómmige.

[bewirk] Zee ouch

• Lies van alle Wikipedia's (Ingels)