Kierch Lëtzebuerg-Belair

Kierch vu Lëtzebuerg-Belair
Uertschaft	Stad Lëtzebuerg (Belair)
Par	Lëtzebuerg-Belair
Numm	Hl. Pius X
Konsekratiounsjoer	1957 (9. Mäerz)
Parverband	Lëtzebuerg-Belair, Märel, Zéisseng
Architekt(en)	Laurent Schmit
Kierchen - Kapellen

De Grondstee fir d' Belairer Kierch gouf den 30. Mee 1954 duerch de Bëschof Léon Lommel geluecht. Den Haaptpatréiner ass de Poopst Pius X, dee just een Dag virun der Grondsteeleeung vun der Kierch helleg gesprach gouf, zweet Patréinesch ass déi Hl. Theresia vu Lisieux. D'Kierch gouf no de Pläng vum Laurent Schmit gebaut an den 9. Mäerz 1957 vum Léon Lommel geweiht. Ët war déi éischt Kierch am Land mat engem Tuerm, dee fräi steet, an dee mat sengen 69 Meter den héchsten aus dem Land ass.

[Änneren] D'Fënsteren

Ët handelt sech em Glasbetongfënsteren (dalle de verre) vum François Gillen. Déi 7 grouss hunn als Sujet "L'Eucharistie en rapport avec les 7 oeuvres de la miséricorde corporelle". Vum Altor aus:

1. denen déi Honger hunn z'iessen ginn
2. denen déi Duuscht hunn ze drenken ginn
3. déi déi ken Dach iwwert dem Kapp hu logéieren
4. denen déi net ugedoe si Kleeder ginn
5. déi Gefaange besiche goen
6. déi déi leide besiche goen an hiert Leed erliichteren
7. déi Doudeg begruewen

Fënster N°4

Kräizwee

[Änneren] Kräizwee

Déi 14 Statioune vum Kräizwee si liicht abstrakt a stame vum Ben Heyart.

[Änneren] Klacken

Déi véier Klacke goufen an der Klackegéisserei Causard zu Colmar (F) gegoss.

[Änneren] Uergel

D'Uergel gouf den 16. Februar 1958 ageseent.

[Änneren] Literatur

• 50 Jor Por Belair : 1935-1985 : brochure

[Änneren] Kuckt och

• Lëscht vu reliéise Gebaier zu Lëtzebuerg
• Belair (Stad Lëtzebuerg)