|
|
Luxemburgum
Luxemburgum (vel Luciliburgum), quae terrarum Unioni Europaeae sociatarum secundum Maltam est minima, a solis occasu Belgicam, a meridie Galliam, ab ortu denique solis Germaniam spectat. Continet Arduennam silvam, fluvios autem et Mosellam et Suram et Uram.
Luxemburgum terra a primordio foederis Unioni Europaeae sociata est, simul cum Belgia, Francia, Germania, Batavia, Italia.
Pro linguis administrativis, quae dicuntur, et Theodisca et Francogallica institutae sunt. Cives vero Luxemburgenses imprimis lingua Luxemburgensi, quae est dialectus Theodisca-Mosellanea, loquuntur; quae consilio anno 1983 capto magis magisque ad vitam publicam, velut ad res typographicas conficiendas, adhibetur.
|