Gaius Iulius Caesar Octavianus Augustus

-2 (dubium) Latinitas huius rei dubia est. Corrige si potes. Vide {{latinitas}}.

Gaius Iulius Caesar Octavianus Augustus


Augustus
Natus	23 Septembris 63 a.C.n. Romae aut Velitris
Obiit	19 Augusti 14 Nolae

Gaius Iulius Caesar Octavianus Augustus, sive Augustus, fuit primus imperator Romanus.

Index

[recensere] Natio et adoptio

Statua equestris (fragmentum) Octavi Augusti, Museum nationale archeologicum Athenarum

Augustus natus est nomine Gaius Octavius Thurinus. Pater erat eques et gubernator Macedoniae, et Atia mater erat sororis filia Iulii Caesaris, qui anno 46 a.C.n. Octavium adoptavit et eum Gaium Iulium Caesarem Octavianum nominavit.

Caesare Idibus Martis 44 a.C.n. necato, Octavianus exercitum conscripsit, et cum Marco Antonio et Marco Lepido se iunxit. Hic triumviratus Roma sicarios expurgavit.

Deinde anno 42 a.C.n. Antonius Octavianusque Brutum et Cassium Philippis superaverunt. Brutus Cassiusque mortem sibi consciverunt, Octavianus Romam rediit, Antonius Aegyptum iit, ubi Cleopatram, amatam quondam Iulii Caesaris, uxorem duxit. Antonius Caesarioni, filio Cleopatrae Caesarisque, favit, et anno 31 a.C.n. apud Actium pugna navali contra Octavianum decertavit. Octavianus eum vicit et Antonius Cleopatraque mortem sibi consciverunt.

[recensere] Imperator

Caesar Augustus, Pontifex Maximus

Post pugnam Octavianus exercitum suum dimisit. Consulatum gessit, sed anno 27 a.C.n. imperium Senatui obtulit. Senatus gratias pro finito bello civili agens recusavit, et ei imperium Hispaniae, Galliae, Syriae, et Aegypti dedit. Etiam appellationem Augusti dedit ac titulum Principis Senatus, qui ei dabat primam vocem in Senatu Romano. Augustus autem publice Princeps appellari maluit. Anno 23 a.C.n., consulatum repudiavit et tribunatum iniit.

Augustus magna cum audacia prudentiaque regnavit. Primum exercitum perpetuum creavit et limites imperii legionibus munivit. Romae praetorianis novum praesidium collocavit, quod etiam imperatorem defenderet. Nulla bella maiora gessit, at limites imperii Danuvii et Rheni instituit. Solus conatus limites propagare cladem in Teutobergiensis saltu (sub Publio Quinctilio Varo) anno 9 tulit. In Oriente, Augustus imperium in Armenia instituit, et pacem cum Parthis composuit. Sub Augusto, Roma erat placida et felix.

Per Suetonium, "urbem neque pro maiestate imperii ornatam et inundationibus incendiisque obnoxiam excoluit adeo, ut iure sit gloriatus marmoream se relinquere, quam latericiam accepisset." Novam curiam, novas aedes, et Theatrum Pompeii aedificavit. Etiam Augusto patrono artium, poetas, pictores, sculptores archictectosque adiuvavit. Patronus Gaius Maecenas, historicus Livius, et poetae Ovidius, Propertius, Tibullus, et praecipue Horatius Vergiliusque sub imperio Augusti floruerunt.

[recensere] Mors et successio

Tempore mortis Augusti, ad rem publicam reverti cum non potuisset, successorem inveni oportuit. Antepositus erat ab Augusto primus Marcellus, vir filiae suae Iuliae, sed Marcellus veneno necatus est anno 23 a.C.n.. Post mortem Marcelli, Iulia Marcum Agrippam nupsit. Liberi sui erant Gaius Caesar, Lucius Caesar, Iulia minor, Agrippina maior, et Postumus Agrippa (qui natus est post mortem Agrippae). Augustus Gaium Luciumque adoptavit, et Neroni Claudio Druso et Tiberio, filiis uxoris sui Liviae, favit. Drusus anno 9 a.C.n. et Gaius Luciusque autem annis 2 et 4 mortui sunt. Tiberius et Postumus ab Augusto adoptati sunt. Augusto mortuo, Tiberius Postumum necavit et Augusto successit.

Post mortem, Augustus inter deos a Senatu relatus est. Appellatio sua appellationem omnium imperatorum factus est.

[recensere] Synonyma

Octavianus, Caesar Augustus, Iulius Caesar Octavianus, Imperator Caesar Augustus, Imperator Caesar Divi filius, Augustus Caesar, Divus Augustus, Gaius Julius Caesar Augustus Octavianus, Gaius Octavius, Thurinus, Gaius Caesar, Octavius.

[recensere] Annales vitae Octaviani

Natus: Anno 63 a.C.n.
Pater: Gaius Octavius (praetor)
Mater: Atia, filia Marci Atii Balbi
Nomen: Caius (Gaius) Octavius
Cognomen: Thurinus, in memoriam maiorum originis (sic Suetonius scribit).
Adoptus a Gaio Iulio Caesare adoptatore; nomen Octavii nunc erat Octavianus.
Anno 48 a.C.n. pontifex
Anno 46 cum Gaio Iulio Caesare in Africa
Anno 45 cum Gaio Iulio Caesare in Hispanica
Post mortem Gaio Iulii Caesaris Octavianus se Caium Iulium Caesarem nominabat.
Anno 44 Bellum Mutense contra Marcum Antonium
Anno 43 Consul; triumvir cum Lepido et Marco Antonio: Africa, Sicilia et Sardinia regebat.
Anno 42 Bellum Philippense contra Gaium Cassium et Marcum Iunium Brutum
Anno 40 A.C.n. Imperator Caesar divi filius
Anno 31 Octaviani amicus Vipsanius Agrippa in proelio navale apud Actium vicit.
Anno 30 Alexandria visitabat; mors Marci Antonii et Cleopatrae.
Anno 29 Curulis triumphos tres egit: Delmaticum, Actiacum, Alexandrinum. Senatus attribuebat Octaviano potestatem omnium rerum
Anno 28 Consul.
Anno 27 Rem publicam restitutam declarabat; Senatus Octavianum Augustum nominabat.
Anno 23 Consul.
Anno 2 p.C.n. pater patriae
Mortuus: 14 p.C.n. Nolae