Collisor Hadronalis Magnus

Magnetes electrici quadrupoli superconductantes dirigunt radios particularum ad quattuor locos in canale ubi sibi occurrent.

Collisor Hadronalis Magnus est machina noniam perfecta, quae mense Maii 2008 munere fungi incipere debet, iacens in fine inter Franciam atque Helvetiam. Hic collisor particulas minimas celeriter mittet ut circulos faciant in canale subterraneo cuius diametrus est c. 16.5 milia passuum. Cum satis acceleratae sunt, hae particulae magna cum explosione sibi occurrent. Plures quam 7 000 physici collaborabunt ut particulas fugitivas ex explosione observent. Inter quas particulas est praesertim illa quae vocatur Higgs Boson, quae exstare putatur quamquam oculi hominum eam noniam viderunt. 'Hadron', cuius nomen ex adiectivo Graeco ἁδρός (hadros, scilicet densus vel corpulentus) trahitur, significat quoddam genus particularum.