Wikipedia

Wikipedia tassaavoq leksikoni ammasunik imalik, atuisut suleqatigiinnerisigut allanneqartoq. Wikipedia Wikimedia-mit aqunneqarpoq, taanna aningaasaateqarfiuvoq iluanaarniarfiunngitsoq, siunertamut immikkut pilersitaq. Qaammat una: Juuni ukiorlu una: 2008, qallunaatuaa qulequttanik amerlaqisunik imaqarpoq, kalaallisuua suli imaqarpallaanngilaq maannamullu ima amerlatigalutik: 95. Januaari 2004-mi Wikipediap oqaatsit assigiinngitsut atorlugit allatat imarisai katillugit 400.000 missaanniipput, taakkunanngalu 200.000 missaat tuluttuujullutik.

Wikipedia 15. januar 2001-imi tuluttut aallartinneqarpoq Larry Sanger-imit aamma Jimbo Wales-imit. Qallunaatuua aallartinneqarpoq 1. februaari 2002.

Tunngavigisat pingaarnerit

Wikipediami tunngavigisat pingaarnerit pingasut, World Wide Web-imi immikkut inissisimaneranik nassuiaasuusut tassaapput:

1. Sallerpaatillugu Wikipedia tassaavoq leksikoni imaluunniit taamaatut inissisimalernissaa anguniarneqarluni.
2. Wikipedia tassaavoq: wiki, imaappoq kimilluunniit aaqqissuunneqarsinnaavoq.
3. Ammasunik imaqarpoq GNU Free Documentation License-llu ataaniilluni.

Wikipediamik tapersersuisuupput: Richard M. Stallman aamma Free Software Foundation. Stallman-ip Wikipedia suli aallartinngitsorli »leksikonip naqisimaneqanngitsup tamanullu ammasup« atorluarsinnaassusia tikkuartorpaa.

Software aamma hardware

Aallaqqaammut Wikipediami atorneqarpoq UseModWiki, Clifford Adams-imit allataasoq.

26. januaari 2002 tuluttut Wikipedia UseModWiki-miit PHP-mut aamma mySQL-mut nuuppoq.

25. septembari 2002 qallunaatut Wikipediap programmi taanna aammattaaq atulerpaa.

Suliniut ingerlanneqarpoq arlalinnik immikkut servereqartillugu, taakkualu Florida-mi, USA-miittumi inissisimapput. Serverit taakkua Wikipedia-p oqaatsinik sunilluunniit allanneqarluni ingerlanera isumagisaraat aammattaarlu isumagisaralugit: postlisterne.

Innarlisaarisarneq

Wikipediami unamminartut ilagaat innarlisaarisoqartarnera, ima paasillugu allatat iluarluanngitsumik uumisaarutiginiaannarlugilluunniit naqqissorneqartarnerat.

Sarah Lane, »Sarah’s Blog Report«-imik aqutsisoq, TV-kkullu aallakaatitakkami Screen Savers-imi ningiuusoq, Wikipediap tuluttuuani allaaserisamik monkeypox-imik asuleerluni innarlisaarivoq. Allappoq: »Sarah Lane is totally cool and does not have monkeypox«. Kingusinnerusukkut allappoq: »Ajornanngissusia pisariunngissusialu tupaallaatigingaluarlugit, aammattaaq ernumaamminngitsuunngilanga. Soorlumi assersuutigiinnarlugu allattuuguma: Pisortara pualaqalunilu *****-uuvoq telefoniatalu normoraa: ****? Soorunami nunguteqqinneqassaaq, kisianni tamatumani pisariaqarput atuisorpassuit aqutsisullu peqataalluinnartut«.

»(Wikipedia) ammalluinnartuulluni suliniutaagami, aammattaaq inunnut soqutigitsaattunut pilerinarluinnartarpoq«, Larry Sanger, Wikipediamik pilersitseqataasoq Wired News-imut ima oqarpoq: »Qujanartumik atuisut amerlanersaat innarliiniartoqartillugu qisuariartarput … saqqummerniariartullu peertarlugit«.

Aamma takukkit

   

Wikimedia Commons:

Wikipedia

• Wikipediap kalaallisuup oqaluttuassartaa