ვიკიპედია:რჩეული სტატიები

საფეხბურთო კლუბი ბარსელონა (მეტსახელად „ბარსა“) — კატალონიის, ესპანეთი, საფეხბურთო კლუბი, დაარსებული 1899 წელს. „ბარსელონა“ ერთ-ერთი იყო 1928 წელს ესპანეთის ჩემპიონატის დამაარსებელთა შორის და ბილბაოს ატლეტიკსა და მადრიდის რეალთან ერთად იმ სამ გუნდს წარმოადგენს, რომლებსაც „პრიმერა დივიზიონი“ არასოდეს დაუტოვებიათ. „ბარსა“ გახდა ესპანეთის პირველი ჩემპიონიც და დღეისათვის უკვე 18-გზის ჩემპიონობით, 24 ესპანეთის თასით, 7 ესპანეთის სუპერ თასით, 2 ევროპის ჩემპიონთა თასით, 4 თასების მფლობელთა თასით, 3 უეფას თასითა და 2 ევროპის სუპერ თასით ერთ-ერთი ყველაზე ტიტულოვანი კლუბია ესპანეთსა და მთელს ევროპაში. კლუბის მთავარი არენაა კამპ ნოუ. 2007 წლის ივნისის მონაცემებით, ბარსას ფანების - „სოსიოსების“ რაოდენობამ 156 366-ს მიაღწია. ისინი მსოფლიოს სხვადასხვა კუთხეებში არსებული 1782 ფანკლუბის ოფიციალური წევრები არიან. „ბარსელონას“ გულშემატკივრები ცნობილია მეტსახელით „culés“ (კულე). კლუბს ჰყავს სარეზერვო გუნდი „ბარსელონა B“ და ასევე გუნდები სპორტის ოთხ სხვა სახეობაში (კალათბურთი, ხელბურთი, ფუტზალი და როლერ-ჰოკეი). არსებობს სხვა სამოყვარულო გუნდებიც, მათ შორის რაგბიში და ქალთა ფეხბურთში. 2006-07 სეზონის მონაცემებით ს.კ. „ბარსელონა“ მსოფლიოს მესამე უმდიდრესი კლუბი იყო — მისმა შემოსავალმა 291.1 მილიონი ევრო შეადგინა. (…სრულად)

ჯენესისი (ინგლ. Genesis) — "გრემის" ჯილდოს მფლობელი ინგლისური ჯგუფი, რომელიც პროგრესიულ როკს უკრავს. ჯგუფი ჩამოყალიბდა 1967 წელს. მსოფლიო მასშტაბით გაყიდულია ჯენესისის 150 მილიონამდე ალბომი. იგი ყველა დროის ყველაზე გაყიდვადი ალბომების მქონე 30 მუსიკოსის და ჯგუფის რიცხვს ეკუთვნის. ჯგუფის ლიდერები სხვადასხვა დროს იყვნენ პიტერ გებრიელი და ფილ კოლინზი. ორივე მუსიკოსი ასევე წარმატებულ სოლო-კარიერას მიჰყვება.

ჯგუფში გებრიელის ლიდერობისას, საკონცერტო გამოსვლები თეატრალური დადგმების ელემენტებით და ფერადი კოსტიუმებით გამოირჩეოდა. ასევე საგულისხმოა, რომ ჯგუფის გიტარისტი, მაიკ რაზერფორდი, იყო ერთ-ერთი პირველი მუსიკოსი, ვინც 12 სიმიან გიტარაზე უკრავდა. 70-იან და 80-იან წლებში ჯენესისმა ტრადიციული პროგ. როკიდან უფრო მსუბუქ მუსიკაზე გადაინაცვლა, თუმცა მათმა სიმღერებმა სტრუქტურული ხასიათი, ცვლადი რითმი, ტემპი და ჯენესისის მუსიკისათვის დამახასიათებელი სხვა ელემენტები შეინარჩუნა. 1976 წლიდან, ალბომის ”The Lamb Lies Down on Broadway” გამოცემისა და ამავე სახელწოდების ტურის შემდეგ და ჯგუფიდან გებრიელის წასვლის შემდეგ ჯენესისის მთავარი ვოკალისტი ფილ კოლინზი იყო. მასთან ერთად ჯგუფი საერთაშორისო არენაზე გავიდა ალბომებით "Duke" და "Invisible Touch". (…სრულად)

რომის სენატი (ლათინურად - Senatus) — რომის რესპუბლიკის და იმპერიის პერიოდში მართვის მნიშვნელოვანი ორგანო. სიტყვა senex ლათინურად უხუცესს ნიშნავს. თავდაპირველად სენატი სწორედ უხუცესთა საბჭო იყო, ხოლო მოგვიანებით მან ბევრად ფართო მნიშვნელობა შეიძინა.

თქმულების თანახმად, სენატი შეიქმნა რომის დაარსებისთანავე. რომულუსმა, რომის ლეგენდარულმა დამაარსებელმა, საბჭო შექმნა 100 უხუცესი მოქალაქისგან, რომლებსაც მამები - პატრიციუსები ეწოდათ. სენატორები ასრულებდნენ მეფის მრჩევლების როლს, ხოლო მეფის გარდაცვალების შემდეგ, ახალი მეფის არჩევა მათ კომპეტენციაში შედიოდა. ცივილიზაციის დასაბამიდან დღემდე არსებულ მმართველ ორგანოებს შორის რომის სენატმა ყველაზე დიდხანს იარსება, მისი შექმნის შესახებ ზუსტი ისტორიული წყაროები არ მოიპოვება. სენატმა ფუნქციები დაკარგა მხოლოდ III-IV საუკუნეების მიჯნაზე, პრინციპატის დომინანტით შეცვლის შემდეგ, მაგრამ, მიუხედავად ამისა, სახეცვლილმა სენატმა რომის იმპერიის აღსასრულამდე იარსება. ამრიგად, სენატმა დაახლოებით 1229 წელი იარსება. ამ დროის განმავლობაში სენატის სახე და ფუნქციები არაერთხელ შეიცვალა. (…სრულად)

სურათზე: ციცერონი სენატში სიტყვით გამოდის. ცეზარე მაკარის ფრესკა (1880-იანები)

პერსონალური კომპიუტერი (PC) — მიკროკომპიუტერი, რომლის ფასი, ზომა და შესაძლებელობები მიესადაგება ინდივიდუალურ გამოყენებას. ტერმინს პოპულარიზაცია გაუკეთა ეპლ კომპიუტერმა მოდელით ეპლ II 1970-იან წლების ბოლოს, შემდეგ კი IBM-მა საკუთარი მოდელით, ზომისა და მობილურობის მიხედვით "პერსონალური კომპიუტერით" შეცვალა.

1947 წლის 23 დეკემბერი — Bell Telephone Laboratories სამმა მეცნიერმა უილიამ შოკლეიმ, უოლტერ ბრათეინმა და ჯონ ბარდენმა დემონსტრაცია გაუკეთეს წერტილოვანი კონტაქტის ტრანზისტორის გამაძლიერებლის ახალ გამოგონებას. სახელი „ტრანზისტორი“ არის „გადაცემის წინაღობის“ შემოკლება. 1952 წლის იანვარი — IBM-ს უჩივიან კომპიუტერული ბიზნესის მონოპოლიზაციის გამო. 1956 წლის იანვარი — აშშ-ის რაიონული სასამართლო აკმაყოფილებს სარჩელს; პირველი ტრანზისტირებული კომპიუტერი TX-O (Transistorized Experimental computer - ტრანზისტირებული ექსპერიმენტული კომპიუტერი) შექმნილია მასაჩუსეტსის ტექნოლოგიის ინსტიტუტში. (…სრულად)