Republik Rakyat Cina

中华人民共和国
Zhōnghuá Rénmín Gònghéguó

Motto: Ora ana

Basa resmi

Mandarin, Kanton, Inggris, Portugis

Ibu kutha

Beijing (台北)

Kutha paling gedhé

Shanghai (上海)

Pedunung

1,3 milyar jiwa

Jembar

9.598.086 km²

Presiden

Hu Jintao (胡锦涛)

Perdana Menteri

Wen Jiabao (温家宝)

Valuta

Renminbi
(人民币)

Zona wektu

UTC +8

Lagu kabangsan

义勇军进行曲 Yìyǒngjūn Jìnxíngqǔ ("Barisan Para Sukarélawan")

TLD

.cn

Kodhe negara

+86

Republik Rakyat Cina utawa Republik Rakyat China utawa Republik Rakyat Tiongkok (Mandarin) 中华人民共和国 Zhōnghuá Rénmín Gònghéguó) uga kerep dicekak dadi RRC utawa Cina Dharatan waé iku sawijining negara ing Asia Wétan sing resminé isih negara komunis. Negara iki nduwé pedunung sing akèh dhéwé sadonya. Cacahé gunggungé kurang luwih ana 1.321.851.888 jiwa. Yèn miturut ambané wilayah, negara iki negara kaping papat sadonya mawa jembaré ana 9.598.086 km² (jembar iki tanpa Taiwan lan sawetara tlatah pasulayan liyané). Ibukutha RRC iku Beijing, nanging kutha sing gedhé dhéwé iku Shanghai. Saliyané Cina Dharatan dhéwé, negara iki uga ndarbèni kadaulatan sadhuwuring apa sing diarani "Tlatah Administratif Kusus" Hong Kong lan Makau. Banjur wilayah Tibet uga dikuwasani minangka de facto senadyan ora diakoni sawetara pihak. Saliyané manèh Republik China utawa Taiwan sing dianggep sawijining provinsi sing mbaléla uga diklaim nanging ora dikuwasani minangka de facto.

Basa resmi ing RRC iku basa Mandarin. Nanging ing sawetara tlatah uga ana basa daérah liyané sing dumadi basa resmi, yaiku basa Kanton ing Hong Kong lan Makau saha basa Inggris ing Hong Kong lan basa Portugis ing Makau.