J. R. R. Tolkien

J.R.R. Tolkien - árið 1916.

John Ronald Reuel Tolkien (3. janúar 1892 – 2. september 1973) var breskur rithöfundur og fræðimaður þekktastur fyrir skáldsögurnar sínar The Lord of the Rings og The Hobbit, eða Hringadróttinssögu og Hobbitann, eins og þær nefnast á íslensku. Fræðimennska hans sneri fyrst og fremst að fornensku og enskum bókmenntum. Á árunum 1920-1925 var hann dósent og síðar prófessor í ensku við háskólann í Leeds, en 1925 flutti hann sig um set og gerðist prófessor í fornensku (engilsaxnesku) við háskólann í Oxford og gengdi þeirri stöðu til 1945, en þá gerðist hann prófessor í ensku og enskum bókmenntum við sama háskóla. Því embætti gengdi hann til ársins 1959. Tvær bækur komu út að honum látnum, Silmerillinn og The Children of Húrin. Sonur Tolkens, Christopher Reuel Tolken sá um að setja saman heilstæðar sögur úr gífurlegu ritsafni Tolkiens og náði að koma saman tveimur bókum. Tolkien sjálfur var haldinn talsverðri fullkomnunaráráttu og gat ekki með nokkru móti sent frá sér efni nema það væri algjörlega fullkomið. Þessvegna náði hann ekki að gefa þetta út sjálfur áður en hann lést. Honum vannst einfaldlega ekki tími til þess.