Bifreið

Citroën DS 1975

Bifreið (eða sjálfrennireið komið af enska orðinu automobil eða bíll: úr dönsku: bil sem er stytting á enska orðinu) er vélknúið farartæki sem hýsir eigin vél. Algengast er að bifreiðar hafi fjögur hjól og pláss fyrir einn til sjö farþega og séu notaðar við fólksflutninga, mikill fjöldi bifreiða fellur þó ekki undir þessa skilgreiningu.

Árið 2002 er talið að til hafi verið 590 milljón fólksbifreiðar í umferð í heiminum.^[1]

Efnisyfirlit

[breyta] Upphaf bílaaldar á Norðurlöndum

Tryggvi Gunnarsson, alþingismaður, segir á einum stað frá því hvernig bílaöldin kom honum fyrir sjónir í upphafi 20. aldar:

Ég var staddur í Kaupmannahöfn árið 1901; þá var nýbyrjað að brúka þar mótorvagna; voru þá öll blöð full af skrípamyndum af vagnferðum þessum, og sýnd á þeim höfuð, fætur og mannabúkar liggjandi sem hráviði meðfram vegunum, og átti þetta að vera af fólki, sem slys hafði beðið af vögnum þessum. En svo kom það fyrir, að Englandskonungur kom til Danmerkur á sama tíma, og á meðan hann dvaldist þar, keyrði hann á mótorvagni fram og aftur um landið; var þá hans vegna hætt að gera gys að vagnferðum þessum, og menn fóru að hagnýta sér þá. ^[2]