20. júlí

20. júlí er 201. dagur ársins (202. á hlaupári) samkvæmt gregoríska tímatalinu. 164 dagar eru eftir af árinu.

[breyta] Atburðir

• 1198 - Bein Þorláks Þórhallssonar biskups voru tekin upp og lögð í skrín í Skálholti.
• 1433 - Jón Gerreksson biskup í Skálholti var líflátinn með drekkingu í Brúará eftir að sveinar hans höfðu farið um landið með ribbaldaskap langtímum saman og gengið fram af höfðingjum.
• 1627 - Guðbrandur Þorláksson biskup á Hólum lést eftir 56 ár í embætti. Hann var dugmikill og sat lengur í embætti biskups en nokkur annar.
• 1783 - Eldmessa Jóns Steingrímssonar sungin á Kirkjubæjarklaustri. Stöðvaðist þá framrás hraunsins skammt þaðan frá og var þakkað trúarhita prestsins.
• 1798 - Alþingismenn fóru heim frá Þingvöllum vegna slæms aðbúnaðar. Þar með lauk þinghaldi á Þingvöllum.
• 1934 - Starfsstúlknafélagið Sókn var stofnað sem stéttarfélag starfsstúlkna á sjúkrahúsum.

• 1946 - Áætlunarbifreið hvolfdi og kom upp eldur í henni við Gljúfurá í Borgarfirði. Um borð voru 22 farþegar og slösuðust fimmtán þeirra, en enginn alvarlega og allir komust frá borði, en bíllinn brann til ösku.
• 1947 - Ólafur krónprins Noregs (síðar konungur) afhjúpaði styttu af Snorra Sturlusyni á Snorrahátíð í Reykholti í Borgarfirði. Styttan er eftir Gustav Vigeland og var gjöf frá Norðmönnum.
• 1968 - Opnuð var vatnsleiðsla sem lögð var til Vestmannaeyja frá Stóru-Mörk undir Eyjafjöllum.
• 1969 - Appolló 11 lenti giftusamlega á Tunglinu.
• 1973 - Stofnfundur Flugleiða hf var haldinn og sameinuðust Flugfélag Íslands og Loftleiðir þá í eitt félag. Sameiningin gekk í gildi þann 1. ágúst.
• 1989 - Hvalveiðum Íslendinga lauk um sinn er síðasti hvalur samkvæmt vísindaáætlun var veiddur.

[breyta] Fædd

• 1932 - Paik Nam-june, Suður-Kóreskur listamaður, oft talinn upphafsmaður svokallaðrar myndbandslistar (d. 2006).

[breyta] Dáin

• 1866 - Georg Friedrich Bernhard Riemann, þýskur stærðfræðingur (f.1826).