11. mars

11. mars er 70. dagur ársins (71. á hlaupári) samkvæmt gregoríska tímatalinu. 295 dagar eru eftir af árinu.

[breyta] Atburðir

• 1513 - Leó 10. var kjörinn páfi.
• 1616 - Galileo Galilei hitti Pál 5. páfa í eigin persónu og ræddi við hann um afstöðu hans til sólkerfisins.
• 1649 - Franska borgarastyrjöldin: Uppreisnarmenn og konungdæmið gerðu með sér friðarsamning í Rueil.
• 1810 - Napóleon Bonaparte gekk að eiga Maríu Lovísu, dóttur Frans 1. Austurríkiskeisara.
• 1894 - Fyrsta kókflaskan var seld í sælgætisbúð í bænum Vicksburg í Mississippi.
• 1922 - Mahatma Gandhi var fangelsaður fyrir borgaralega óhlýðni.
• 1935 - Franska skonnortan Lieutenant Boyan strandaði á Slýjafjöru í Vestur-Skaftafellssýslu kl. 11 að kvöldi.
• 1938 - Innlimun Austurríkis (Anschluss): Þýskaland tók við stjórn í Austurríki.
• 1941 - Línuveiðarinn Fróði varð fyrir árás þýsks kafbáts suður af Vestmannaeyjum. Fimm sjómenn fórust í árásinni.
• 1950 - Kvikmynd Óskars Gíslasonar, Síðasti bærinn í dalnum, var frumsýnd.

• 1971 - Lög voru sett um happdrættislán ríkissjóðs til fjáröflunar fyrir vega- og brúargerð um Skeiðarársand. Þremur árum síðar var vegurinn opnaður.
• 1976 - Stjörnuskoðunarfélag Seltjarnarness var stofnað.
• 1983 - Donald D. Maclean, einn þeirra sem njósnuðu í Bretlandi fyrir Rússa, var jarðsettur í Moskvu.
• 1984 - Vélbáturinn Hellisey frá Vestmannaeyjum sökk og fórust allir nema einn maður, Guðlaugur Friðþórsson, sem náði að synda alla leið í land, um fimm kílómetra langa leið.
• 1985 - Mikhail Gorbatsjov varð leiðtogi Sovétríkjanna.
• 1990 - Litháen varð sjálfstætt ríki með Vitautas Landsbergis sem forseta.
• 2004 - Sprengjutilræði var framið í farþegalest í Madrid. 190 manns fórust.
• 2006 - Íslandsbanki breytti nafni sínu í Glitnir banki hf..

[breyta] Fædd

• 1444 - Donato Bramante, ítalskur arkitekt (d. 1514).
• 1847 - Sidney Sonnino, ítalskur stjórnmálamaður (d. 1922).
• 1899 - Friðrik 9. Danakonungur (d. 1972).
• 1903 - Ronald Syme, nýsjálenskur sagnfræðingur (d. 1989).
• 1904 - Harold F. Cherniss, bandarískur fornfræðingur (d. 1987).
• 1920 - Kenneth Dover, breskur fornfræðingur.
• 1952 - Douglas Adams, rithöfundur (d. 2001).
• 1980 - Úlfar Linnet, íslenskur skemmtikraftur.

[breyta] Dáin

• 1514 - Donato Bramante, ítalskur arkitekt (f. 1444).
• 1955 - Alexander Fleming, skoskur gerlafræðingur sem uppgötvaði pensillínið (f. 1881).
• 2006 - Slobodan Milošević, fyrrum forseti Júgóslavíu (f. 1941).