Iohannes Paulus 2ma

**Iohannes Paulus 2ma**

Originala nomo:	Karol Józef Wojtyła
Pontifikisteso:	16 di oktobro 1978-2 di aprilo 2005
Precedanto:	Iohannes Paulus 1ma
Sucedanto:	Benedictus 16ma
Nask-dio:	18 di mayo di 1920
Nask-urbo:	Wadowice, Mikra-Polonia
Lando:	Polonia
Mort-dio:	2 di aprilo 2005
Mort-urbo:	Vatikano

Iohannes Paulus 2ma esis papo di la Katolik eklezio. Lua originala nomo esis Karol Józef Wojtyła.

Karol Wojtyła naskis proxim Wadowice en Polonia ye 18 di mayo 1920. La familio esis ne-richa. Dum lua yuneso il esis interesata pri teatro e pleis kom aktoro, lastafoye, kande il evis 23 yari.

Ye 1938 il komencis studiar filozofio e literaturo che l' universitato di Kraków. Tamen la duesma mondo-milito ruptis la studiado e l' universitato klozesis da la nacisto-Germani.

Dum la milito ilu laboris en minerio apertita ed oficerio. Dum vesperi ilu sekrete studiis duktata dal kardinalo. La yunulo kredeskis, kande il rekuperis en kliniko pos du trafiko-acidento.

Pos la milito, 1946, Wojtyła promocesis paroko. Ye 1948 ilu promocesis en Roma kom doktoro en teologio. Pose il docis moral-teologio e social-etiko kom profesoro en Lublin e Kraków. Kom l' arkiepiskopo di Kraków il divenis ye 1964. La papo Paulus 6ma grantis ilu l' ordo di kardinalo ye 1967.

Karol Wojtyła, la kardinalo di Kraków, elektesis kom papo ye 16 di oktobro 1978. Il esis l' unesma Katolik ekleziestro ne-Italiana pos 1523. Ilu prenis la nomo Iohannes Paulus 2ma.

Ye 13 di mayo 1981 Turka terorigisto Mehmet Ali Agca entraprezis mortigar la papo en Vatikano.

La papo mortis ye 2 di aprilo 2005.