|
|
Apocalyptica
APOCALYPTICA (s) [a-po-ka-líp-ti-ka]
Etymologia:
- Ab le greco apokalypsis pro "manifestation", "revelation"
Definition:
- Le Apocalyptica es le discurso revelatori super le termino del mundo, connectite super toto con un interpretation del curso del evenimentos del mundo e de tote le historia human in general.
- Se appella "apocalypses" le scriptos continente "revelationes" super le fin del mundo e le signos que lo precedera. On pote definir scriptos apocalyptic, in le Vetule Testamento: le libro de Daniel e le apocalypse de Isaiah (Is. 24-27); in le Nove Testamento, le Apocalypse de Johannes.
Characteristicas:
- In le Judaismo contemporanee a Jesus, circulava plure scriptos apocalyptic, le plus importante inter le quales esseva: Enoch, 4 Esdra, Baruch.
- Le scriptor apocalyptic, illo es, le scriptor de scriptos apocalyptic - generalmente anonyme - crede de esser pervenite, per le medio de revelationes, al cognoscentia del fin del mundo, non cognoscite per alteres, e de esser, pro isto, capabile a offerer un responsa al problemas del presente.
- Le adjectivo apocalyptic se attribue a un pensamento e a representationes que ha, como thema, le fin mysteriose del mundo.
Vide tamben:
commons
|
