Tenis

Rafael Nadal, mellor tenista español no ranking da ATP.

O tenis é un deporte de pelota e raqueta desputado entre dous xogadores (individuais) ou catro (dobres). É un deporte popular que practican persoas de tódalas idades en distintos niveis.

Índice

[editar] Regras de xogo

Os xogadores (ou tenistas) golpean a pelota alternadamente cunha raqueta, facéndoa pasar por enriba dunha rede que divide o campo de xogo en dúas metades, de forma que a pelota caia no campo do contrincante. A pelota non debe botar máis dunha vez. Se un xogador non consegue ambas as dúas cousas cun só golpe, o rival gaña o punto. Ao mesmo tempo, hai que intentar que o adversario non consiga devolver facilmente a pelota ata a outra metade do campo correspondente ao seu rival. Vence o que obtén a maior puntuación. Os partidos xóganse en pistas (ou canchas) que poden ser cubertas ou descubertas (ao aire libre), podendo ser de distintos tipos de superficie (de terra batida, céspede...).

[editar] Historia

O tenis moderno naceu na Gran Bretaña no século XIX.

[editar] Curiosidades

O tenis é coñecido dentro do mundo deportivo como o "deporte branco", debido a que antes os xogadores vestíanse enteiramente desa cor. De feito, este costumbre séguese mantendo ata agora, no Grand Slam de Wimbledon.
Para o tenis profesional necesítase unha gran forza, axilidade e reflexos: chegáronse a medir velocidades de servizo que alcanzaron os 250 km/h (Andy Roddick, Copa Davis no ano 2006).
Foi deporte olímpico entre 1896 e 1924, deixando de ser deporte oficial ata o seu regreso en 1988 (Xogos Olímpicos de Seúl).

[editar] Ránking

Na actualidade os xogadores están ordenados nun ránking chamado "Sistema de entradas" (Entry Ranking), no cal se suman os puntos obtidos polos xogadores nas últimas 52 semanas, é dicir, nun ano. Polo tanto, ao finalizar cada semana, réstanse a cada xogador os puntos obtidos nesa mesma semana do ano anterior, e súmanse os gañados na semana actual. O actual número un do ránking é o suízo Roger Federer.

[editar] Cancha ou campo

A pista de xogo é un rectángulo de 23,77 metros de longo e 8,23 metros de ancho, para individuais, ou 10,97 m, para dobres. Hai 4 superficies distintas: po de ladrillo (terra batida en Europa, "clay court" en inglés), céspede, cemento e diversos tipos de goma, chamados comunmente "carpeta", que non son outra cousa que superficies plastificadas. A pista ou cancha, está dividida en distintas zonas: o cadrado de saque, os callexóns (para dobres, pasillos ou paralelas) e os flexes.