Procura

iso.	AN	Periodo de semidesintegración	MD	ED M eV	PD
¹⁴¹Pr	100%	¹⁴¹Pr é estable con 82 neutróns
¹⁴²Pr	Sintético	19,12 h	β^-	2,162 MeV	¹⁴²Nd
¹⁴²Pr	Sintético	19,12 h	ε	0,745 MeV	¹⁴²Ce
¹⁴³Pr	Sintético	13,57 d	β^-	0,934 MeV	¹⁴³Nd

Valores no SI e condicións normais
(0 ºC e 1 atm), agás indicación en contra.
^†Calculado a partir de distintas lonxitudes
de enlace covalente, metálico ou iónico.

O praseodimio é un elemento químico da táboa periódica de símbolo Pr e número atómico 59.

Índice

[editar] Características

O Praseodimio é un elemento metálico plateado suave, e pertence ao grupo dos lantánidos. É algo máis resistente á corrosión en aire que o europio, o lantano, o cerio, ou o neodimio, pero desenvolve unha capa verde de óxido cando se rompe ou cando está exposto ao aire, expoñendo máis metal á oxidación. Por esta razón, o praseodimio débese gardar baixo un aceite mineral lixeiro ou selar nun cristal.

[editar] Abundancia natural

O praseodimio está dispoñible en pequenas cantidades na cortiza terrestre (9.5 ppm). Atópase na monazita e na bastnasita, comprendendo tipicamente preto do 5% dos lantánidos contidos nestes, e pode ser recuperado por un proceso de intercambio de ións, ou por extracción de líquido de contracorriente.

[editar] Aplicacións

Os distintos usos do Praseodimio son, entre outros:

Axente de aliaxe co magnesio para crear os metais de alta resistencia que se utilizan en motores de avión.
O praseodimio forma a base das lámpadas de arco de carbón que son empregadas na industria de movemento de imaxes, para a iluminación de talleres e nas luces dos proxectores.
Os compostos do praseodimio son usados para dar aos vidros e esmaltes unha cor amarela.
O praseodimio emprégase para colorear circonio cúbico dunha cor verde-amarelo.
O praseodimio é un compoñente do cristal de didimio, que se usa para facer certos tipos de soldaduras e vidros soprados.
O praseodimio aliado con níquel (PrNi5) ten un efecto magneto calórico tan forte que permitiu que os científicos se achegaran a menos dunha milésima de grao do cero absoluto^[1]

[editar] Isótopos

O Praseodimio esta composto por un isótopo estable 141Pr. Todos os isótopos radiactivos do Praseodimio teñen vidas medias de menos de 5.985 horas e a maioría destes teñen vidas medias de menos de 33 segundos. Este elemento tamén ten seis meta estados, sendo o máis estable 138mPr (t½ 2.12 horas), 142mPr (t½ 14.6 minutos) e 134mPr (t½ 11 minutos).