2001

2000 < 2001 <2002

2001 foi o primeiro ano do século XXI e do terceiro milenio, mesmo se durante as dúas décadas precedentes foi motivo de discusión popular se sería este ano ou o 2000. Os ataques do 11 de setembro de 2001 constituíron o acontecemento máis relevante do ano e marcaron a política da década: con eles iniciouse a "guerra contra o terrorismo", que incluíu a Invasión de Afghanistán e a Segunda Guerra do Golfo, e un aumento espectacular nas medidas de seguranza na navegación aérea.

[editar] Acontecementos

• 1 de xaneiro - Comeza o novo milenio, mais as celebracións non son tan importantes como no ano precedente, de maior relevancia.
• 13 de xaneiro - Un terramoto de magnitude 7.6 sacude O Salvador e causa 800 mortos.
• 15 de xaneiro - Lanzamento da Wikipedia.

Retrato oficial de George W. Bush

• 20 de xaneiro - George W. Bush toma posesión como presidente dos Estados Unidos da América
• 26 de xaneiro - Un terramoto sacude Gujarat, na India, e causa 12.00 mortos.
• 15 de febreiro - Tropas rusas comezan a retirada da Chechenia.

Ariel Sharon, gañador das eleccións xerais en Israel.

• 6 de febreiro - Ariel Sharon, líder do Likud, gaña as eleccións en Israel.
• 23 de marzo - A estación espacial Mir reentra a atmosfera perto de Nadi, nas Fidxi e cae no Océano Pacífico.
• 24 de marzo - A Apple Computer lanza o Mac OS X.
• 1 de abril

Slobodan Milošević en 1979.

• • Slobodan Milošević, anterior presidente da República Federal de Iugoslavia, entrégase á policía para ser xulgado por crimes de guerra.
  • Nos Países Baixos apróbase o matrimonio entre persoas do mesmo sexo, a primeira vez en todo o mundo desde o reinado de Nerón.
• 28 de abril - O primeiro turista espacial, o americano Dennis Tito parte desde o cosmódromo de Baikonur na Soyuz TM-32. Retorna o 6 de maio.
• 13 de maio - Silvio Berlusconi gaña as eleccións xerais en Italia.
• 7 de xuño - O Partido Laborista de Tony Blair gaña as eleccións xerais no Reino Unido.-
• 20 de xuño - Pervez Musharraf convírtese en Presidente do Pakistán ao demitir Muhammad Rafiq Tarar.
• 17 de xullo - Inaugúrase a réplica das Covas de Altamira.
• 9 de setembro - Un terrorista suicida asasina Ahmed Shah Massoud, comandante militar da Alianza do Norte.

As Torres Xemelgas após os dous impactos.

• 11 de setembro - Atentados terroristas con avións contra as Torres Xemelgas en Nova Iorque, o Pentágono en Arlington, Virginia e en shanksville, Pennsylvania. Morren case 3.000 persoas.
• 18 de setembro - Comeza unha serie de ataques contra medios de comunicación norteamericanos e políticos demócratas mediante cartas envenenadas con anthrax.
• 2 de outubro - Swissair declárase en bancarrota.
• 7 de outubro - Os Estados Unidos invaden Afghanistán con cooperación por parte do Reino Unido.
• 23 de outubro - Apple Computer lanza o iPod.
• 25 de outubro - A Microsoft lanza o Windows XP
• 12 de novembro - A aeroliña belga SABENA declara a bancarrota.
• 10 de novembro - A República Popular China entra na Organización Mundial do Comercio após 15 anos de negociacións.
• 2 de decembro - A compañía eléctrica Enron declara a bancarrota, a maior na historia dos Estados Unidos.
• 13 de decembro - Ataque terrorista contra o Parlamento Indio, que pon á India e Pakistán ao borde da guerra.

• A India convírtese no segundo país en superar os mil millóns de habitantes. O primeiro fora China en 1979.

[editar] Nacementos

[editar] Mortes

• 12 de xaneiro - Adhemar da Silva, atleta brasileiro
• 16 de xaneiro - Laurent-Désiré Kabila, presidente da República Democrática do Congo (n. 1939)
• 18 de febreiro - Balthus, pintor francés
• 19 de febreiro - Stanley Kramer, produtor de cinema norteamericano (n. 1913)
• 12 de marzo - Robert Ludlum, escritor norteamericano (n. 1927)
• 15 de abril - Joey Ramone, vocalista da banda nova-iorquina de punk rock Ramones (n. 1951)
• 11 de maio - Douglas Noël Adams, escritor e comediante británico (n. 1952)
• 16 de maio - Hernán Naval, músico e polifacético home ribadense
• 20 de maio - Renato Carosone, cantante e músico italiano (n. 1920)
• 3 de xuño - Anthony Quinn, actor norteamericano (n. 1915)
• 7 de xuño - Víctor Paz Estenssoro, político boliviano (n. 1907)
• 21 de xuño - John Lee Hooker, cantante de blues (n. 1917)
• 27 de xuño - Jack Lemmon, actor norteamericano (n. 1925)
• 11 de xullo - Cândida Branca Flor, cantante portuguesa (n. 1949)
• 2 de setembro - Christiaan Barnard, médico sul-africano (n. 1922)
• 11 de setembro - Ataques do 11 de setembro de 2001: 2.749 nas Torres Xemelgas, 125 no Pentágono, 40 en Shanksville, Pennsylvania, 19 secuestradores e 24 desaparecidos.
• 29 de novembro - George Harrison, músico inglés (The Beatles) (n. 1943)
• 14 de decembro - W. G. Sebald, escritor alemán

[editar] Premios Nobel

• Física - Eric Allin Cornell, Wolfgang Ketterle e Carl Edwin Wieman.
• Química - William S. Knowles, Ryoji Noyori e K. Barry Sharpless.
• Medicina ou Fisioloxía- Leland H. Hartwell, R. Timothy Hunt e Paul M. Nurse.
• Literatura - V.S. Naipaul.
• Economía - George A. Akerlof, A. Michael Spence e Joseph E. Stiglitz
• Paz - Nacións Unidas, Kofi Annan.

[editar] Día das Letras Galegas dedicado a:

• Eladio Rodríguez

[editar] Véxase tamén

[editar] Outros artigos

• Historia ano a ano