Bortziri

Bortziriak Nafarroako ipar-mendebaldean dagoen eskualde mugakoa da, 7.500 biztanle inguru daukana.

Gipuzkoa eta Lapurdiko mugan dago kokatuta eskualdea.

[aldatu] Mugakideak

Mugakide hauexek ditu: Mendebaldean Bidasoaldea-Txingudi eta Oarsoaldea, iparraldean Ezpeletako Kantonamendua, hegoaldean Sunbilla herria eta Malerreka eskualdea eta ekialdean Zugarramurdi herria.

[aldatu] Udalerriak

Eskualdeari bost (bortz) herri hauek ematen diote izena:

1. Bera: 3.581 biztanle (2002).
2. Lesaka: 2.665.
3. Etxalar: 788.
4. Arantza: 628.
5. Igantzi: 604.

[aldatu] Inguru naturala

Aiako Harria (837 m) Bortziriko ipar-mendebaleko muturrean dago, Oarsoaldea eta Bidasoaldea eskualde gipuzkoarrekin mugakide. Halaber, hainbaten ustez Mendebaldeko Piriniotako lehen tontorra da, itsasotik hasita.

Bestela, Bidasoa ibaiak ingurunea zeharkatzen du, Beratik igaroz.

[aldatu] Euskara

Nafarroako ingururik euskaldunenen artean dugu Bortziri, euskal hiztunak biztanleen %70etik gora izanda. Portzentaia altu horren erakusle, UEMAko kide da Arantza herria.

Halaber, bertsolaritza moduko jarduerak bizi-bizi daude gaur egun zonalde honetan.

Eskualdeko berezko hizkerari dagokionez, nafar-lapurteraren eredu bikaina da.

[aldatu] Hedabideak

"Ttipi-Ttapa" komunikazio taldeak euskarazko aldizkaria (paperez eta interneten) eta telebista katea eskaintzen ditu.

[aldatu] Pertsonaia ezagunak

• Manuel Aznar Zubigarai (Etxalar, 1894-1975), politikaria.
• Genaro Zelaieta (Bera, 1954-2008), futbolaria.
• Estitxu Fernandez (Lesaka, 1975-), kazetaria.
• Jon Abril (Bera, 1975-), kazetari eta politikaria.
• Patxi Vila (Bera, 1975-), txirrindularia.
• Xabier Silveira (Lesaka, 1976-), bertsolaria.
• Petti (Bera, ?-), abeslaria.

[aldatu] Kanpo loturak

• Ttipi-Ttapa egunkari digitala