Karl V, impalaer santel

Karl Habsburg, anavezet evel Karl Pemp (Charles Quint gant ar C'hallaoued), a oa ganet d'ar 25 a viz C'hwevrer 1500 e Gent, en Izelvroioù, ha marvet d'ar 25 a viz Gwengolo 1558 e manati Yuste e Spagn, a voe impalaer an Impalaeriezh Santel German (1519-1555) evel Karl V Alamagn , roue Spagn hag Amerika spagnol dindan an anv a Charlez Iañ Spagn (pe Carlos I), roue Sikilia dindan an anv a Charlez IV (1516-1558) ha dug Brabant evel Charlez II Brabant (1515-1558).

Impalaeriezh Karl V

Taolenn

[kemmañ] Buhez

[kemmañ] Yaouankiz

Poltred Karl V, gant Bernard van Orley

Poltred Karl V, gant Christoph Amberger

Betek 1517 e voe savet en Izelvroioù Bourgogn, ha skoliet gant Guillaume de Croÿ, aotrou Chièvres, ha goude gant Adrian VI, hag e voereb an arc'hdugez Marc'harid Aostria .

E 1506,pa varvas e dad Fulup Iañ Kastilha e voe legadet dezhañ Izelvroioù Bourgogn, ha Franche-Comté.

En 1516, pa varvas e dad-kozh a-berzh e vamm Ferdinand II Aragon, e teuas da vout roue Kastilha, war un dro gant e vamm Janed ar Follez, hag e teuas dezhañ ivez rouantelezh Aragon, Navarra Uhel, Proviñs Granada, Naplez, Sikilia, Sardinia, Inizi Balearez, Malta, hag an holl zouaroù a oa da Spagn en Amerika.