Baarle-Hertog

**Baarle-Hertog**
Baarle-Hertog (nederlandeg) Barrle-Duc (galleg)
Lec’hiadur	Lec’hiadur Baarle-Hertog e proviñs Antwerpen
Riez	Belgia
Rannvro	Flandrez
Proviñs	Antwerpen
Arondisamant	Turnhout
Gemeente
Kod post	2387
Kod pellgomz	014
Maer	Jan Van Leuven (CDK)
Gorread	7,48 km²
Hed	04° 55' .." Reter
Led	51° 26' .." Norzh
Uhelder	.. m
Poblañs hep kontoù doubl	2 306 (2001)
Stankter	308 a./km²

Ur gumun e proviñs Antwerpen e Belgia eo Baarle-Hertog. Er gumun emañ kêr Baarle-Hertog a save an niver ag annezidi enni da 2 276 den d'ar 1^añ a viz Genver 2005. 7,48 km² eo ar gorread hollek ha stankder ar boblañs 304,44 annezad dre km².

Harzoù korvigellek zo etre Baarle-Hertog ha Baarle-Nassau en Izelvroioù. En holl ez eus 24 rann douar distag disheñvel. Ouzhpenn an tamm brasañ (anvet Zondereigen) lec’hiet e hanternoz kêr velgiat Merksplas, ez eus 20 sankenn belgiat diavaez en Izelvroioù ha 3 all war an harzoù etre an Izelvroioù ha Belgia. Seizh sankenn diavaez nederlandat zo ivez e-diabarzh sankennoù diavaez Belgia. C’hwec’h anezho zo en hini vrasañ hag ar seizhvet en eil vrasañ. Un eizhvet sankenn diavaez nederlandat a gaver e Zondereigen ivez.

Ken luziet eo an harzoù ma z'eus tiez zo savet a-ramp etre an div vro. Poent zo bet e oa dav d'ar pretioù a oa en tu nederlandat d'an harzoù serriñ abred abalamour da lezennoù ar vro. Er pretioù a oa war an harzoù e oa dav d'an arvalien cheñch taol evit kenderc’hel gant o fred eus tu Belgia.