Lanv du an Amoco Cadiz

Al lestr-eoul "supertanker" Amoco Cadiz a yeas d'ar strad d'ar 16 a viz Meurzh 1978 a dal da Porsal (lodenn gumun Gwitalmeze). 220 000 tonenn eoul-maen e oa o treuzkas, ar pezh a yeas d'ober ul lanv-du eus ar gwashañ hag ar pempvet e tout istor ar Bed. Daoust ma voe lec'hiet al lanv-du e Bro-Leon dreist-holl, e touchas houmañ 320 km a aodoù ha 76 kumun.

Brudet eo an Amoco Cadiz evit bezañ bet ar gwashañ gwall-daol ekologel e Breizh. Brudet eo ivez peogwir e voe al lanv-du-se penn-kentañ ur stourm hir tre etre ar Vretoned hag an embregerezh Amoco dirak lezioù-barn ar Stadoù-Unanet. Harozien ar stourm-se a voe Alphonse Arzel, maer Gwitalmeze, ha Jean-Baptiste Henry. D'ar 24 a viz Genver 1992, war-lerc'h 15 bloaz stourm eta, e voe kondaonet an Amoco da baeañ 225 milion lurioù d'ar Sindikad mikst a vode ar strollegezhioù publik Breizh (rannvro, departamantoù, kumunioù).

[kemmañ] Gwelet ivez

• Listenn al lanvioù du pennañ

[kemmañ] Levrlennadur

Arzel (Alphonse), Le procès de l'Amoco Cadiz, Roazhon, Embannadurioù Ouest-France, 2004.

Rochard (Yvon), L'affaire Amoco, Telgrug, ArMen, 2005.

[kemmañ] Liammoù diavaez

• Lanv du an Amoco Cadiz war lec'hienn ar CEDRE

Portal ar mor â€“ Sellit ouzh pennadoù Wikipedia a denn da bed ar mor.