Вікіпедыя:Пяць слупоў

Усе палітыкі і звычаі асноўваюцца на Пяці слупах якія і вызначаюць характар Вікіпедыі:

	Вікіпедыя гэта энцыклапедыя якая ўлучае элементы агульных энцыклапедый, спецыялізаваных энцыклапедый і альманахаў. Усе артыкулы мусяць трымацца прынцыпа "Не ўласным даследванням" і імкнуцца да дакладнасці. Вікіпедыя гэта не месца для асабістых думак, досведа, аргументаў. Вікіпедыя гэта НЕ непераборлівы збор інфармацыі. Гэта НЕ збор дробных і трывіяльных фактаў, НЕ трыбуна, НЕ месца для самарэкламы, НЕ эксперымент у анархіі ці дэмакратыі, НЕ каталог cеціўных старонак. Таксама Вікіпедыя НЕ збор арыгінальных дакументаў, НЕ слоўнік і НЕ газета, дзеля гэтага існуюць суседнія праекты Wikisource, Wiktionary і Wikinews, адпаведна.
	Вікіпедыя трымаецца нейтральнага пункту гледжання, што азначае, што мы імкнемся рабіць артыкулы якія не абараняюць нейкага аднаго пункту гледжання. Часам гэта азначае прадстаўленне некалькіх пунктаў гледжання; дакладнага апісання кожнага з іх; тлумачэння кантэксту для кожнага з іх, каб чытач разумеў, чый гэты пункт гледжання; і не-выстаўленне аніводнага з пунктаў гледжання як "праўды" або "найлепшага погляду". Гэта азначае цытаванне, калі гэта толькі магчыма, аўтарытэтных крыніц, якія можна спраўдзіць, і асабліва ў неадназначных тэмах. Калі ўзнікае канфлікт наконт таго, якая з версій найбольш нейтральная, лепей абвясціць час на супакойванне і азначыць артыкул як спрэчны; высвятліць усё, што трэба, на старонцы размовы і трымацца правілаў развязання спрэчак.
	Вікіпедыя складаецца з адкрытага змесціва, якое можа правіць кожны. Увесь тэкст робіцца даступным на ўмовах Ліцэнзіі адкрытай дакументацыі GNU (GFDL) і можа распаўсюджвацца або быць мэтай спасылак толькі адпаведна з гэтай ліцэнзіяй. Памятайце, што артыкул можа быць праўлены кім заўгодна, і ніхто не мае ўлады над нейкім артыкулам; такім чынам, усё, што вы напішаце, можа адвольна і бязлітасна правіцца і распаўсюджвацца супольнасцю. Не ўносьце ў праект прац, якія парушаюць аўтарскія правы, або прац, якія ліцэнзуюцца спосабам, несумяшчальным з GFDL.
	У Вікіпедыі належыць трымацца правіл паводзінаў: Шануйце вашых калег з Вікіпедыі, нават калі вы з імі нязгодныя. Будзьце культурнымі. Не пераходзьце на асобы і не абагульняйце празмерна. Заставайцеся спакойнымі, калі атмасфера напальваецца; заўседы шукайце кампраміс; пазбягайце праўка-войнаў, следуючы правілу трох адкатаў; памятайце, што ў гэтай Вікіпедыі ёсць 13.173 артыкулаў, якія можна апрацоўваць і абмяркоўваць. Выяўляйце добрую волю ў тым, каб не парушаць працу дзеля дэманстрацыі думкі, і закладаць добрую волю з боку іншых. Будзьце адкрытымі, гасціннымі і інклюзіўнымі.
	Вікіпедыя не мае цвёрдых правілаў, апроч пяці агульных прынцыпаў, выкладзеных тут. Смела праўце, пераносьце, апрацоўвайце артыкулы, таму што радасць творчасці ў тым, што дасканаласць не патрабуецца, хоць і з'яўляецца пажаданай. І не хвалюйцеся, што нешта сапсуеце. Захоўваюцца ўсе папярэднія версіі артыкулаў, таму вы не можаце выпадкова "пашкодзіць Вікіпедыю" ці беззваротна сцерці змесціва. Але памятайце — што б вы тут ні напісалі, будзе захоўвацца з магчымасцю публічнага доступу.