|
|
AinasEn atras luengas
|
Idioma castellán
O castellán u español ye una luenga romanze d'a colla iberica, orichinada en o condau e reino meyebal de Castiella, que encluyiba alto u baxo l'autual probinzia de Burgos e as comunidaz autonomas d'A Rioxa e Cantabria, en España. Ye fablato como luenga materna por unos 360 millons de presonas. Contando á aquers que lo fablan como segunda luenga, se estima que a zifra adube unos 450 millons (2004). Encluyendo á quí lo charran como segundo idioma, ye chunto con l'anglés a luenga oczidental que cuenta con más fablans, as dos superadas amplament por o chinés mandarín. Tanto en España como en Ispanoamerica antimás de como español se conoxe tamién á lo idioma como castellán, en referenzia a la suya rechión d'orichen. As demás luengas españolas (españolas por estar tamién orichinarias d'España) son simplament rechionals. Ista denominazión de castellán ye espezialment popular en o Cono Sur e entre os fablants d'as demás luengas ofizials d'España (catalán, gallego e basco). Muitos creyen que o termín castellán deberba reserbar-se á las bariedaz d'o idioma fablatas en Castiella. Por contra, atros consideran que español no deberba emplegar-se, ya que parixerba que ye a unica luenga española en esclusiba, como si s'endicara que o gallego, basco, asturiano, aragonés, oczitán u catalán no estasen tamién españolas; antimás de considerar que "luenga castellana" ye a denominazión más antiga. Os españols d'ordinario claman á iste idioma español cuan fablan d'er chunto a idiomas foranos (ej. franzés u anglés), pero lo claman castellán cuan en fablan chunto á atros idiomas rechionals d'España (ex. catalán). En os demás países d'o mundo ispano ye costumbre clamar á lo idioma tanto castellán como español, predominando iste zaguer nombre. [editar] Beyer tamién
|
||||||||||||||||||||||||||||||||||||||||||||||||||||||
